Abuzturen 13tik aurrera, asteartea, Dbuseko 8-Gros-Intxaurrondo, 17-Gros-Amara-Miramon, 40-Gros-Antiguo-Igara eta 41-Gros-Egia-Martutene autobus lineen geltokiak aldatuko dira Zurriolan.
Gros alderantz, Zurriola Kursaal eta Zurriola 36 geltokiak kendu dira eta horien ordez beste geltoki bat jarri da Zurriolako pasealekuko 30ean. Zurriola izena edukiko du geltoki berriak.
Ostiralean, ekainak 28, behin betiko kenduko da Zurriola Kursaal geltokia. Dbuseko 8-Gros-Intxaurrondo, 17-Gros-Amara-Miramon, 40-Gros-Antiguo-Igara eta 41-Gros-Egia-Martutene autobus lineen geltokia da.
Geltokia, Gros aldera kokatuta baitago, ibilbidearen hurrengo geltokira eramango da: Zurriola 36. Datozen asteetan, gainera, aldaketa gehiago egingo dira inguru horretan, eta aurretiaz jakinaraziko dira aldaketa horiek.
Apirilaren 5etik aurrera, ostirala, 26-Amara-Martutene lineak 22:30etik aurrera geldialdiak egingo ditu Antso Jakituna 12an eta Madril Hiribidea 14an. Geldialdi horiek egunero egingo dira linea honetan, baina soilik 22:30etik aurrera.
Apirilaren 1etik aurrera 31-Intxaurrondo-Ospitaleak-Altza lineak bere Boulevardeko geltokia lekuz aldatuko du. Geltoki berria Boulevard 15ean kokatuko da, 9-Egia-Intxaurrondo eta 29-Hego-Intxaurrondo-Sur geltokiekin batera.
Aurreikusita dago datorren astelehenetik aurrera, apirilak 1, Dbusen tarifa berriak indarrean sartzea. Tarifa berriak Gipuzkoako Garraioko Lurralde Agintaritzaren Batzar Orokorrean onartu dira eta garraio txartelekin (Mugi, Lurraldebus, Bat eta Barik) ordaintzen dutenei aplikatuko zaizkie.
Noizbehinkako bidai txartelari eta gaueko bidai txartelari dagokienez, tarifek berdin jarraituko dute Donostiako Udalak aldatu bitartean. Aurrerago jakinaraziko da tarifa bi horien indarrean sartzea.
Hori horrela, beraz, hau da astelehenetik aurrera, apirilak 1, indarrean egongo den Dbusen tarifa sistema berria:
| Eskudirutan | 2019ko prezioa |
| Noizbehinkako txartela | 1,75 € |
| Gaueko txartela | 2,10 € |
| MUGI txartela | |
| Hil bereko 1-20 bidaiak | 0,95 € |
| Hil bereko 21-50 bidaiak | 0,77 € |
| Hil bereko 51. bidaiatik aurrera | 0,18 € |
| Hil bereko 51. bidaiatik aurrera GAZTE TXARTELEAN | 0 € |
| MUGI txartel anonimoa | 1,22 € |
| BAT eta BARIK txartelak | 0,95 € |
Abenduaren 17tik aurrera, astelehena, 36-San Roke-Aldakonea linearen ibilbidea aldatuko da.
Urbieta 58 geltokia zerbitzurik gabe geratuko da eta Urbieta 38-ra eramango da. Autonomiako geltokia, berriz, Arroka Plaza-ren eta Amara kalea-ren arteko kantoira lekualdatuko da.
Astelehenetik aurrera, urriak 1, 35-Arriola-Aiete-Antiguo-Ospitaleak eta 40-Gros-Antiguo-Igara autobus lineek lanegunetan Arriolatik eta Igaratik duten lehen irteera ordua aurreratuko da Ospitaleen aldera eta Grosera doazen erabiltzaileak 8:00etako medikuen hitzorduetara eta klaseetara lasaiago heltzea bermatzeko.
Lanegunetan, Arriola 87-tik lehen irteera 7:25ean izango da (eta ez 7:30ean, orain arte moduan).
Igaratik lehen irteera 7:25ean izango da (eta ez 7:30ean, orain arte moduan).
Dbuseko zerbitzua hobetzeko, irailaren 10etik aurrera, astelehena, 27-Altza-Intxaurrondo-Antiguo-Gros, 31-Intxaurrondo-Ospitaleak-Altza, 33-Larratxo-Intxaurrondo-Antiguo-Berio eta 38-Trintxerpe-Altza-Molinao lineek geltoki berri bat edukiko dute Herreran, Txingurri 40an:
– 27 linea: Intxaurrondo alderantz, Larratxo III eta Garbera geltokien artean.
– 31 linea: Loiola alderantz, Larratxo III eta Poligono 27ko biribilguneko geltokien artean.
– 33 linea: Intxaurrondo alderantz, Larratxo I eta Otxoki geltokien artean.
– 38 linea: Trintxerpe alderantz, Larratxo III eta Txingurri 29 geltokien artean.
Era berean, 31-Intxaurrondo-Ospitaleak-Altza lineak Altzako Anbulatorioan ere egingo du geldialdia. Geltoki hau Santa Barbara eta Nerecan geltokien artean kokatuta dago eta orain arte geltoki horretan 13-Altza eta 38-Trintxerpe-Altza Molinao lineak baino ez ziren gelditzen.
Irailaren 2tik aurrera, igandea, Dbuseko 5-Benta Berri lineako autobusak Matia kaletik ibiliko dira berriro igande eta jaiegunetan, egun horretan Matia kalea oinezkoentzako kale bihurtzeko probaldia amaituta egongo baita.
Horregatik igande eta jaiegunetan Matia, Benta Berri eta Resurreccion Maria de Azkueko geltokiak erabiltzeko prest jarriko dira, eta normaltasunez funtzionatuko dute.
Horrela, 5-Benta Berri linea Matia kaletik ibiliko da beti, Express zerbitzuetan izan ezik, horiek lanegunetan 7:00etatik 9:00etara ematen baitira Unibertsitateen aldeetan zerbitzu hobea emateko.
Dbuseko 46-Morlans autobus lineak geltoki berria dauka Morlans aldean: Morlans 51. Geltoki berri hori zonaldeko bizilagunek eskatu dute, eta bere helburua da auzoaren erdiko aldean eta goiko aldean bizi diren pertsonen joan-etorriak erraztea.
Geltoki berria Morlans alderantz kokatuta dago, Morlans 73 eta Morlans Igogailua geltokien artean.