COVID-19 Informazioa

Musukoa behar bezala erabiltzea eta salbuespenak

Erabiltzaile guztiei gogorarazten zaie, “COVID-19ak eragindako osasun-krisiari aurre egiteko beharrezko prebentzio-neurriei buruzko Osasuneko sailburuaren 2021eko urriaren 6ko Aginduak jasotzen duen bezala, normaltasun berrian, lehendakariak larrialdi-egoera amaitu dela adierazi ondoren”, erabiltzaileek erabilera publikoko espazio itxietan erabili behar dutela musukoa.

Musukoa behar bezala jarri behar da, sudurra eta ahoa estalita, eta erabiltzaileek jantzita eraman behar dute, bai autobusera sartzean, bai bidaia osoan.

Halaber, osasun-arrazoiengatik erabiltzeko salbuespenak jasotzen dira, eta mediku-ziurtagiri ofizial bidez egiaztatu behar dira, Osakidetzarena nahiz zerbitzu mediko pribatu batena izan daiteke, baldin eta sinatzen duen medikua elkargokidea bada eta dagokion zigilua badu.

•
13 Abendua, 2021
By Esti
In COVID-19 Informazioa, Oharrak

Irakurri

DBUS VAS 2014_0888_COVID_01_POS- Euskera

Dbus-ek Aenor-en ziurtagiriaren berritzea eskuratu du COVID-19ari aurre egiteko moduagatik

Aenorrek Covid-19ren aurka emandako ziurtagiria lortu eta urtebetera, Dbusek arrakastaz gainditu du ziurtagiri hori berritzeko ikuskaritza. Urtebete baino gehiago darama Dbusek etengabeko doikuntzak egiten COVID-19aren ondoriozko egoera berrira egokitzeko, protokolo berriak garatuz eta Konpainiako langileen eta erabiltzaileen osasuna eta segurtasuna bermatzeko prebentzio neurri batzuk ezarriz.

Horren erakusle izan dira Dbusen autobusetan ez dela izan Covid bidezko kutsadurarik (0 kasu), azken urte honetan, 10.305.494 milioi erabiltzailek erabiliz Dbuseko zerbitzuak.eta lortutako eskaria gero eta handiagoa dela, 2021eko abuztuan % 80 ingurukoa, hain zuzen.

Dbusek COVID-19ari aurre egiteko aplikatzen dituen neurrien eraginkortasunaren kanpoko berme bat da COVID-19rako Protokoloen Ziurtagiria, eta Osasun Ministerioak COVID-19aren prebentziorako eta higienerako markatutako jarraibideetan oinarritzen da. Ziurtagiri horren metodologia erakunde nazionalen eta internazionalen gomendioetan oinarritzen da, eta eskatzen du erakundeek COVID-19aren ondoriozko arriskuak kudeatzeko lanei guztiz heltzea. Auditoriak ebaluatzen ditu, besteak beste, COVID-19ari aurre egiteko jarduera protokoloak eta protokolo horiek betetzea.

Dbusek ezarritako neurrietako batzuk dira flotaren eta Kotxetegien instalazio guztien eguneroko garbiketa eta desinfekzioa; ibilgailu guztietan gidariaren postuan babes manpara jartzea; aireztapen iraunkorra, autobusen barruko airearen kalitateari buruzko espezialistek egindako azterketa, 13 segundoz behin airea berritzen dela egiaztatzen duena, minutuko 5 aldiz gutxi gorabehera, gomendatutakoa baino 9-10 aldiz handiagoa.

Nabarmena izan da ere prebentzio neurriei eta prozedura berriei buruz langile eta erabiltzaileei ematen zaien informazioa; gune komunen mugapena; osasun segurtasunareko neurrien ezarpena autobusetan zein instalazioetan; edo hornitzaileei babes eta segurtasun neurriak betearaztea, erabiltzaileei zerbitzu segurua eskaini ahal izateko.

Ziurtagiri berri hau AENORek Bidaiarien Garraio Publikoen gaineko UNE-EN 13816 arauaren arabera 5-Benta Berri, 13-Altza eta 28-Amara-Ospitaleak lineen zerbitzu kalitatea egiaztatzeko eman duen kalitate ziurtagiriari batzen zaio, Dbusen egunero bidaiatzen duten ia pertsonen erdia linea horietan erregistratzen dira-eta. Konpromiso horiek, gainera, ez dira soilik hiru linea horietan aplikatzen, autobus flota guztian eta Konpainiaren eguneroko funtzionamenduan ere aplikatzen dira.

Berriro ere, AENORek COVID-19ari aurre egiteko protokoloagatik emandako ziurtagiriak erakusten du Donostiako garraio publikoa segurua dela eta Dbuseko mugikortasun iraunkorreko eredua berreskuratzeko beharrezkoa den konfiantza ematen dio, garraio publikoaren alde eginda, Donostian mugitzeko garraiobiderik eraginkorrena eta ekologikoena den heinean.

•
5 Abuztua, 2021
By Esti
In Berriak, Berriak home, COVID-19 Informazioa

Irakurri

Ekainaren 23tik aurrera Dbus-ek zerbitzu gehiago emango du udan

Ekainaren 23an, asteazkenean, San Juan bezperan, Dbuseko udako zerbitzuak hasiko dira, eta abuztuaren 31ra arte, asteartea, eskainiko dira.

1.Dbus zerbitzu gehiago udan zehar

1.1. Dbus zerbitzu gehiago auzoetara

Ekainaren 23tik abuztuaren 31ra arte, hiriko gune gehienetan aparteko zerbitzuak egongo dira; izan ere, udan autobusek beranduago egingo dituzte azken irteerak, eta asteko egun guztietan zerbitzuak beranduago bukatu dira. Hauek dira zabaltzen diren ordutegiak:

> Ordutegiak ikusi (pdf)

Ostiraletan, larunbatetan eta jai bezperetan gautxori aurreko ohiko zerbitzuak egongo dira. Gautxori aurreko zerbitzuak dira eguneko lineen azken zerbitzuetatik (gutxi gorabehera 22:00etan) Gautxoriak hasten diren arte (gutxi gorabehera 00:15ean) ematen direnak. Hau da, zerbitzu batzuk besteekin lotzen dituztenak. Gautxori aurreko zerbitzuen geltokiak Boulevardaren eta Gipuzkoa plazaren inguruan daude.

1.2. Gautxori zerbitzua berrabiaraziko da

Ekainaren 25etik aurrera Gautxori berbitzua berrabiaraziko da ostiral, larunbat eta jai bezperetan goizeko 3:00ak arte luzatuz. Irteerak Boulevardetik egingo dira.

> Ordutegiak ikusi (pdf)

1.3. Maiztasun handiagoa 24 eta 27 lineetako autobusetan

Ekainaren 23tik abuztuaren 31ra arte, jaiegunetan 24-Altza-Gros-Antiguo-Intxaurrondo eta 27-Altza-Intxaurrondo-Antiguo-Gros lineetan autobusak 30 minutuko maiztasunez ibiliko dira, izan ere, hil horietan asteko egun guztietako ordutegiak bateratuko dira.

1.4. Zerbitzu hobea Igeldora

Zerbitzuak 20 minutuan behin 16-Igeldo linean, goizez zein arratsaldez

Pasa den ekainaren 1etik aurrera, 16 linearen zerbitzuak maiztasun handiagoz emango dira, ohiko erabiltzaileen eta turista eta bisitarien garraioa errazteko. 10:05etik 21:05era bitartean zerbitzu gehiago emango dira, denbora tarte horretan zerbitzuen maiztasuna 20 minutukoa izango baita.

Gaueko zerbitzua Igeldora ekainaren 23tik

Ekainaren 23tik aurrera, igandea eta abuztuaren 31ra arte, larunbata, 16 lineak zerbitzu gehiago emango ditu Okendo 18-tik, 23:05ean eta 0:00etan beste bi irteera gehiagorekin.

Era berean, ekainaren 23tik abuztuaren 31ra arte Igeldo auzoak autobus zerbitzua izango du gauean, ostiral, larunbat eta jai bezperatan, B7-IGELDO GAUTXORIArekin. Gautxoria 1:00etan eta 2:00etan aterako da Boulevardetik, eta Kontxa pasealekutik joango da zuzenean Igeldoraino eta Kanpineraino.

1.5. Kontxako Pasealekuaren itxiera udan

Igande eta jaiegun guztietan, 9:00etatik 19:00etara gutxi gorabehera, Kontxako Pasealekua trafikoari itxita egongo da; beraz, aldaketa hauek egingo dira Antiguoko lineetan:

5-Benta Berri, 18-Seminarioa, 25-Benta Berri-Añorga, 33-Larratxo-Intxaurrondo-Antiguo-Berio eta 45- Estaciones Renfe-Bus Geltokiak-Antiguo-Aiete:

– Antiguo alderantz: Sanserrekatik joango dira, eta Pio Barojatik jaitsiko dira Antiguorantz eta, gero, ohiko ibilbidea egingo dute. Ez da geltoki bat ere aldatuko.

– Erdialderantz: Pio Barojatik igoko dira, eta Aldapetatik jaitsi. Ondoren, ohiko ibilbidea egingo dute. Ondarretako geltokia kendu egingo da eta Esklabetara edo Pio Baroja 4ra eramango da. San Martin 57ko geltokia zerbitzurik gabe geratuko da.

16-Igeldo:

– Antiguo alderantz: ohiko ibilbidea. Sanserrekatik joango dira eta geltoki guztiak mantenduko dira.

– Erdialderantz: Sanserrekatik jaitsi ezingo denez, Pio Baroja kiroldegiaren biribilgunetik aurrera Meloditik, Lazkano pasealekutik, Aldapetatik eta Easotik joango da, eta handik aurrera ohiko ibilbidea egingo du.

Sanserreka 33ko eta Sanserreka 25eko geltokiak kenduko dira eta Pio Baroja 10era eramango dira. Baenako Dukea 1ekoa, Mirakontxa 48koa, Mirakontxa 28koa eta San Martin 57koa kendu egingo dira.

•
22 Ekaina, 2021
By Esti
In 46 eu, B1 eu, B10 eu, B2 eu, B3 eu, B4 eu, B5 eu, B6 eu, B7 eu, B8 eu, B9 eu, Berriak, Berriak home, COVID-19 Informazioa, Linea 05 eu, Linea 08 eu, Linea 09 eu, Linea 13 eu, Linea 14 eu, Linea 16 eu, Linea 17 eu, Linea 18 eu, Linea 19 eu, Linea 21 eu, Linea 23 eu, Linea 24 eu, Linea 25 eu, Linea 26 eu, Linea 27 eu, Linea 28 eu, Linea 29 eu, Linea 31 eu, Linea 32 eu, Linea 33 eu, Linea 35 eu, Linea 36 eu, Linea 37 eu, Linea 38 eu, Linea 39 eu, Linea 40 eu, Linea 41 eu, Linea 42 eu, Linea 43 eu, Linea 45 eu, Linea TB6

Irakurri

Autobusak zerbitzua ematen ari diren bitartean autobusen barruan dagoen CO2 maila eta aire berriztapena aztertu ditu Dbus-ek

Autobusak zerbitzua ematen ari diren bitartean aire berriztapena eta airearen kalitatea zer-nolakoak diren aztertu du Dbusek, eta berretsi du aireztapena hobetzeko ezarri diren neurriak egokiak direla.

COVID-19ari aurre egiteko ezarritako neurrien barruan, Dbusek autobusetako aire berriztapena eta CO2 kontzentrazioa aztertu ditu, autobusak benetako zerbitzua ematen ari ziren bitartean, hau da, erabiltzaileak autobus barruan zeuden bitartean. Azterketa hori egiteko neurketa ekipo eramangarriak eta flotako ibilgailuetan instalatutako zundak erabili dira, garraio publikoa erabiltzen duten pertsonen eta garraio publikoan lanean ari diren pertsonen segurtasunaren alde lan egiten jarraitzeko.

Azterketan zerbitzuaren baldintza guztiak hartu dira kontuan, okupazio mailarik handieneko lineak eta ordu tarteak sartuta, bai eta Dbuseko flotako ibilgailu mota guztien ezaugarriak ere (mikrobusak eta 12 eta 18 metroko autobusak). Azterketa Efinerrek egin du. Efizientzia energetikoan aditua den aholkularitza enpresa bat da eta airearen kalitatea monitorizatzeko hainbat proiektu egin ditu.

Azterketa horretatik ateratzen den ondorioa da Dbuseko autobusetan, okupaziorik handieneko egoeretan, airea 13 segundoan behin berritzen dela, hau da, minutuko 5 aldiz gutxi gorabehera. Tasa hori gomendatzen den aire berritzearen tasa baino 9-10 aldiz handiagoa da. Geltokietan ateak irekiz eta ibilgailuko leihatilak eta sabai leihoak irekiz lortzen den aireztapenarekin eta ibilgailuaren aireztapen eta klimatizazio sistemekin lortzen da aire berritzearen tasa handi hori.

Airearen kalitateari dagokionez, azterketatik ondorioztatzen da kalitate ona dela. Autobusetako CO2ren kontzentrazioak 640 partekoak baino txikiagoak dira milioiko, okupazio handieneko uneetan. Osasunaren Munduko Erakundeak ezartzen dituen eta aireztapen ez egoki baten erreferentzia moduan hartzen diren muga maximoen oso azpitik. Hiri autobus baten barruko CO2 mailak etxebizitza baten barruan batez beste dauden mailak baino %54 txikiagoak dira, eta bulego batean edo denda batean batez beste dauden kontzentrazioak baino %30 txikiagoak.

Horrenbestez, Donostian egindako neurketen emaitzek berresten dute Dbuseko autobusetan aireztapena egokia dela eta duela hilabete batzuk ezarri ziren neurriek ondo funtzionatzen dutela. Beraz, autobusa garraio segurua da hirian mugitzeko. Aire berritzearen maila eta denbora horrekin, okupaziorik handieneko egoeretan ere erabiltzaileek ez lukete arnastuko beste erabiltzaile batzuen airea.

Azterketaren emaitza horrekin autobusetako aireztapena hobetzen jarraitu ahal izango da, bai eta efizientzia energetikoa optimizatzera bideratuta ezarri ziren eta pasa den urtetik AENORek COVID-9ari aurre egiteko protokoloetarako duen ziurtagiriarekin eta ISO 50001 arauarekin bermatuta dauden neurriak hobetzen ere.

Autobusetako aireztapena

Dbuseko autobusek etengabeko aireztapena dute zerbitzua ematen ari diren bitartean, geltokietan ibilgailuaren ate guztiak irekiz eta itxiz eta lehen orduan kotxetegietatik ateratzen den unetik ibilgailuaren leiho eta sabai leiho guztiak irekiz airea une oro sartzen baitzaie. Era berean, lineako ibilbide bakoitzaren azken geltokira iristen den bakoitzean, gidariek leihoek irekita jarraitzen dutela bermatu behar dute, etengabe aireztatzea ahalbidetzeko, eta, ahal den guztietan, geltoki horietan ere ate guztiak irekiko dira.

Gainera, egun osoan ahalik eta gehien aireztatu ahal izateko, erabiltzaileei eskatzen zaie leihoak irekita edukitzeko. Horretarako, informaziorako pegatinak jarri dira leiho guztietan eta informazioa ematen da, audioarekin, autobusen barruko pantailetan Era berean, Dbus ahalegin handia egiten ari da ibilgailuen okupazioa monitorizatzeko, erabiltzaile gehien erregistratzen den irteera orduetan zerbitzua indartzeko.

Bideoa ikusi

•
17 Mar, 2021
By Esti
In Berriak, Berriak home, COVID-19 Informazioa

Irakurri

Dbus: IGO GARRAIO SEGURURA

Dbusek informazio kanpaina bat abian jarri du garraio publikoa sustatzeko garraiobide seguru eta iraunkor gisa, segurtasun eta higiene neurri guztiak betetzen duen garraiobidea baita; izan ere, COVID-19ari aurre egiteko moduaren AENOR ziurtagiriak hori bermatzen du.

Kanpaina azterketa zientifikoetan eta osasun publikoko adituen iritzian oinarritzen da, eta autobusean bidaiatzea seguru egiten duten arrazoi nagusiak biltzen ditu:

– Autobusen eta Kotxetegietako instalazioen eguneroko garbiketa eta desinfekzioa. Lan horiek egiteko, ihinztatzeko sistema motorizatu berritzaile bat erabiltzen da, eta sistema horrekin autobusaren barruko leku guztietara iristen da eta desinfekzio zehatzagoa eta zorrotzagoa egin daiteke.

– Autobusen okupazioaren monitorizazioa, erabiltzaile gehien erregistratzen duten lineetan irteera gehiago jartzeko, jakinda azken hilabeteetan erregistratu den batez besteko okupazioa %22 izan dela eta zerbitzuen %99,3k %50 baino gehiagoko okupazioa dutela.

– Zerbitzuak areagotzen dira puntako orduetan: irail hasieratik Dbusek bere baliabideen %100a du aktibatuta eta zerbitzuen maiztasunak maximoak dira ahalik eta leku gehien eskaintzeko.

– Maskaren erabilera derrigorrezkoa da erabiltzaileentzat eta gidarientzat. Era berean, autobusek babes manpara dute gidariaren postuan.

– Dbuseko autobusetan garraio txartelarekin eta banku txartelarekin ordaintzea gomendatzen da, osasun kontuengatik eskudiruaren erabilera murrizteko.

– Ibilgailuak zerbitzuan daudela etengabe aireztatzen dira, airea une oro sartzen baitzaie, geltokietan ibilgailuaren ate guztiak irekiz eta itxiz eta lehen orduan kotxetegietatik ateratzen den unetik ibilgailuaren leiho eta sabai leiho guztiak irekiz. Hiri garraioko ibilbideak laburrak izateak eta geltokitik geltokira distantzia txikia egoteak laguntzen du aireztapen horretan. Era berean, pegatinak jarri dira autobusetako leiho guztietan, erabiltzaileei leihoak irekita utz ditzatela eskatzeko, aireztapena areagotzeko.

Kanpaina hainbat euskarritan dago, hala nola Dbusen markesinetan, autobusen barruko pantailetan, 4 autobusen errotuluetan, web orrian eta sare sozialetan.

Bideoa ikusi

•
1 Abendua, 2020
By Esti
In Berriak, Berriak home, COVID-19 Informazioa, Jarduerak

Irakurri

Dbuseko autobusetako aireztapena indartzea

Dbusek COVID-19ari aurre egiteko moduagatiko AENOR ziurtagiria dauka, zeinarekin bermatuta dago Konpainiak ematen duen zerbitzuan Dbsuek egoera berri honi aurre egiteko duen protokoloan bertan ezarritako protokolo eta neurriak betetzen direla.

Ibilgailuetako aireztapena hobetzea da neurri horietako bat. Dbuseko autobusak etengabe aireztatuta daude zerbitzua ematen ari diren bitartean, geltokietan ate eta leiho guztiak irekiz eta ibilgailua lehen orduan Kotxetegietatik irteten den unetik lehio eta sabai leiho guztiak irekiz aire ekarpena jarraitua baita.

Era berean, linearen ibilbide bukaerako geltokira iristen den bakoitzean, gidariek bermatu behar dute leihoek irekita jarraitzen dutela, aireztapena jarraitua izatea ahalbidetzeko, eta, ahal den guztietan, geltoki horietan ate guztiak ere irekiko dira.

Egun osoan aireztapena ahalik eta handiena izan dadin, erabiltzaileei eskatzen zaie leihoak irekita uzteko. Horretarako, leiho guztietan pegatinak jarri dira informazio horrekin eta autobusen barruko pantailetan ere ematen ari da informazio hori.

•
1 Abendua, 2020
By Esti
In Berriak, Berriak home, COVID-19 Informazioa

Irakurri

Dbusek AENOR-en ziurtagiria eskuratu du COVID-19ari aurre egiteko moduagatik

Azken hilabeteetan, Dbusek etengabeko doikuntzak egin ditu COVID-19aren ondoriozko egoera berrira egokitzeko, protokolo berriak garatuz eta Konpainiako langileen eta erabiltzaileen osasuna eta segurtasuna bermatzeko prebentzio neurri batzuk ezarriz. Zentzu horretan, Dbusek AENORen ziurtagiria eskuratu du, non AENORek egiaztatzen baitu Konpainiak egoera berri honi aurre egiteko Dbusek berak landu duen protokoloan ezartzen diren eta beharrezkoak diren jarraibideak eta neurriak betetzen dituela.

Ziurtagiria entregatzeko ekitaldian parte hartu dute Donostiako Udaleko Mugikortasun eta Garraioko zinegotzi Pilar Aranak, Dbuseko zuzendari gerente Igor Gonzalezek eta AENORen Euskadiko zuzendari Luz Emparanzak. Ziurtagiri berriaren zigilua flotako autobus guztietan jarriko da ikusgai, bai eta Konpainiaren instalazioetan ere.

Dbusek COVID-19ari aurre egiteko aplikatzen dituen neurrien eraginkortasunaren kanpoko berme bat da COVID-19rako Protokoloen Ziurtagiria, eta Osasun Ministerioak COVID-19aren prebentziorako eta higienerako markatutako jarraibideetan oinarritzen da. Ziurtagiri horren metodologia erakunde nazionalen eta internazionalen gomendioetan oinarritzen da, eta eskatzen du erakundeek COVID-19aren ondoriozko arriskuak kudeatzeko lanei guztiz heltzea. Auditoriak ebaluatzen ditu, besteak beste, COVID-19ari aurre egiteko jarduera protokoloak eta protokolo horiek betetzea.

Dbusen ezarritako neurriak

Dbusek ezarritako neurrietako batzuk dira flotaren eta Kotxetegien instalazio guztien eguneroko garbiketa eta desinfekzioa; ibilgailu guztietan gidariaren postuan babes manpara jartzea; prebentzio neurriei eta prozedura berriei buruz langile eta erabiltzaileei ematen zaien informazioa; gune komunen mugapena; osasun segurtasunareko neurrien ezarpena autobusetan zein instalazioetan; edo hornitzaileei babes eta segurtasun neurriak betearaztea, erabiltzaileei zerbitzu segurua eskaini ahal izateko.

Egunero, autobusak zerbitzua ematen baldintzarik hoberenetan has daitezen, egiten zaien garbiketa eta desinfekzioa da Dbuseko erabiltzaileek gehien baloratzen duten alderdietako bat. Lan hori egiteko, Dbus ihinztatzeko sistema motorizatu berritzaile bat erabiltzen ari da, zeinarekin autobusaren barruko leku guztietara iristen baita eta desinfekzioa zehatzago eta zorrotzago egin baitaiteke.

Ziurtagiri berri hau AENORek Bidaiarien Garraio Publikoen gaineko UNE-EN 13816 arauaren arabera 5-Benta Berri, 13-Altza eta 28-Amara-Ospitaleak lineen zerbitzu kalitatea egiaztatzeko eman duen kalitate ziurtagiriari batzen zaio, Dbusen egunero bidaiatzen duten ia pertsonen erdia linea horietan erregistratzen dira-eta. Konpromiso horiek, gainera, ez dira soilik hiru linea horietan aplikatzen, autobus flota guztian eta Konpainiaren eguneroko funtzionamenduan ere aplikatzen dira.

Berriro ere, AENORek COVID-19ari aurre egiteko protokoloagatik emandako ziurtagiriak erakusten du Donostiako garraio publikoa segurua dela eta Dbuseko mugikortasun iraunkorreko eredua berreskuratzeko beharrezkoa den konfiantza ematen dio, garraio publikoaren alde eginda, Donostian mugitzeko garraiobiderik eraginkorrena eta ekologikoena den heinean.

•
6 Abuztua, 2020
By Esti
In Berriak, Berriak home, COVID-19 Informazioa

Irakurri

Dbusen ordaintzeko modu lehenetsiak

Osasun arrazoiengatik, Dbuseko zerbitzuen erabiltzaileei eskatzen zaie bidai txartela ordaintzeko, ahal dela MUGI edo Lurraldebus txartelak –bere aldaera guztiak–, BAT eta BARIK txartelak edo turista txartelak edo EMV kontakturik gabeko banku txartelak erabiltzeko. EMV kontakturik gabeko banku txartelekin ordaintzeko, berriz, txartela bera edo txartelari lotutako aplikazio mugikorrak erabili ahal izango dira, eta transakzioagatik ez da komisiorik kobratuko.

MUGI/Lurraldebus txartelak kargatzea

Hainbat aukera dago kargatzeko:

– Txartel pertsonalizatuak online kargatu daitezke, Dbuseko apparen bitartez, “Kargatu” izeneko erlaitzean, MUGI sistemarekin lotzen baita, eta MUGIren webgunean bertan ere. Online egiten diren kargak 20 minutura gutxi gorabehera erabilgarri daude Dbuseko autobusetan.

Karga hori Dbuseko autobusetan aktibatu daiteke, gidariaren ondoan dagoen makinan. Horrez gain, Kutxabanken kutxazainetan ere aktibatu daiteke (ez da beharrezkoa bezero izatea).

– Txartel anonimoak eta pertsonalizatuak kioskoetan/estankoetan/liburu dendetan kargatu daitezke (Mugi sistemari atxikitakoak izan behar dira), bertara joanda, baita kaleko kargatzeko makinetan eta Kutxabankeko kutxazainetan ere (ez da beharrezko bezero izatea). Karga hori berehala egiten da.

MUGI txartelak eskatzea

– MUGI txartel pertsonalizatuak www.mugi.eus helbidean eskatu dezakezue, eta etxera bidaliko dizuete.

– MUGI txartel anonimoak edozein unetan erosi daitezke kioskoetan/estankoetan/liburu dendetan (Mugi sistemari atxikitakoak izan behar dira).

MUGI txartelei buruzko informazio gehiago: www.mugi.eus eta 943 000 117 telefonoan.

Turista txartela erostea

San Sebastian Card eta Basque Card turista txartelak Donostiako Turismo bulegoan erosi daitezke.

Denon osasunagatik, ahal bada ez ordaindu eskudiruz. Eskerrik asko zure laguntzagatik.

•
21 Uztaila, 2020
By Esti
In Berriak, Berriak home, COVID-19 Informazioa

Irakurri

“Dbus, zugatik egiten dugu lan”, garraio publikoa sustatzeko kanpaina

COVID-19aren ondoriozko egoeretara moldatuz joateko hainbat hilabetetan gogor lan egin ondoren, Dbusek garraio publikoa sustatzeko kanpaina bat abiarazi du etapa berri honetan, Donostian autobusez mugitzen diren pertsona guztiei kalitateko zerbitzua eman ahal izateko, eta are gehiago egoera berri honetan, Konpainiaren barruan egiten den lana erakutsita eta balioetsita: “Dbus, zugatik egiten dugu lan”.

Kanpainak erabiltzaileen konfiantza berreskuratu nahi du, eta ilusioa, lana, esfortzua, segurtasuna, ardura eta konpromisoa transmititu, horiek izan baitira Konpainiaren balio nagusiak bere historiako 130 urte baino gehiagotan. Dbuseko sektore desberdinetako langileak dira kanpainaren protagonistak, tartean direla gidariak, administrazioko langileak, garbitzaileak, Mediku Zerbitzukoak eta Lan Arriskuen Prebentzioko Zerbitzukoak, Erabiltzaileen Arretarako Departamentukoak eta tailerretakoak.

Herritarrekiko konpromiso horren erakusgarri moduan, hilabete hauetan Konpainiaren erabiltzaileen eta langileen segurtasuna bermatzeko prebentzio neurri ugari ezarri dira, autobusen funtzionamendua osasun egoera desberdinetara berehala moldatuta. Autobusen eta instalazioen garbiketa eta desinfekzioa areagotzea, autobusen barruko funtzionamenduaren aldaketa, autobus artikulatu guztiak martxan jartzea, zerbitzuen monitorizazioa edo maskara derrigor erabili behar izatea dira neurri horietako batzuk.

Era berean, kanpainaren asmoa da autobusek eta garraio publikoak mugikortasun iraunkorrerako sistema diren heinean eta ibilgailu pribatuaren aldean igorpen kutsatzaileen aurkako borrokan duten zeregina bultzatzea. Garraioa da ingurumeneko kutsadura iturri nagusietako bat, eta karbono dióxidoaren igorpenen ia laurdena.

Autobusen erabilera handitzeak nabarmen murriztuko lituzke hiriko kongestio arazoak, autobus baten edukiera 20 ibilgailu pribaturenaren parekoa baita batez beste.

Kanpaina hainbat euskarritan ikusi daiteke, hala nola Dbusen markesinetan, 4 autobusen errotuluetan, ibilgailuen barruko pantailetan, web orrian eta sare sozialetan. Era berean, bideo bat egin da autobusak eta zerbitzuak martxan jartzeko prest egon daitezen egunero Kotxetegietan eta hiriko kaleetan dabiltzan bitartean ere arretaz egiten den lana erakusteko.

Bideoa ikusgai dago, baita ere, Dbusen Youtube kanalean (dbusdonostia)