Category : Berriak

DBUSek, AENORen UNE-EN 13816 Bidaiarien Garraiorako arauaren ziurtagiria jaso du 28 linean.

AENORen ziurtagiriak aipatutako araua egiaztatzen du. Arau honek, garraio publikorako edozein enpresak eskaintzen duen zerbitzuaren kalitatearen helburuak finkatzeko eta hauen neurketa eta jarraipena egiteko sistema zehazten du.

Arau honetan jasotzen diren kalitatearen konpromisoak zuzenean bidaiarien ongizatean eragina dute. Konpromiso hauek honakoak jasotzen dituzte: eskaintzen den zerbitzuaren kalitatea, beste alderdi batzuen artean honako eragileak kontuan hartzen dituena: igarotzeko ordutegiak, maiztasunak eta okupazio maila; eserlekuen egoera kontutan hartzen duen erosotasunaren kalitatea; erasoen kontrako segurtasunaren kalitatea, istripuen prebentzioa eta emergentzien kudeaketa, billeteak eskuratzeko orduan bezeroei eskainitako arretaren kalitatea, geltokietan dagoen informazioa edo zerbitzuen etenaldiak; eta ingurumenaren inpaktuaren kalitatea, igortzen den kutsaduraren, soinuaren edo energiaren eta espazioaren kontsumo-mailaren zaintzan oinarritzen dena.

AENORek, hiri autobusen bidaiarien garraioa lineen, ibilbide luzeko autobusen, metroaren, gertuko trenbidearen eta funikularren 50 ziurtagiri inguru banatu ditu

DONOSTIABUS da Euskal Herri mailan ziurtagiri hau jaso duen lehen autobus-enpresa. Eta Espainian, bi hiriek dute soilik autobus linearen bat arau honekin ziurtatua.

Arau honek, bereziki, kalitatea azpimarratzen du bezeroen beharren eta itxaropenen ikuspuntutik. Donostiabusek bere gain hartu dituen konpromisoak, Konpainiaren web orrian aurkitu daitezkeen Zerbitzuen Kartan eta Kalitate Politikan ikus daitezke: www.dbus.es. Atal garrantzitsuenak ondorengok dira:

– Zerbitzu betetzea eta okupazioaren maila gorenenak jasotzen dituen eskaintzen den zerbitzua
– Mugikortasun murritza duten pertsonen sartzeko erraztasuna
– Erabiltzaileak informatzeko sistema geltokietan, autobusetan eta web orrian.
– Erregulartasuna bidaiari eskainitako zerbitzuetan.
– Bezeroarekiko arreta egokia
– Autobusetan erosotasuna eta garbiketa
– Ibilbideetan segurtasuna.
– Ingurumen inpaktu murritza, autobus “garbiak” erabiliz.

Donostian, 28 “Amara-Ospitaleak” linea ziurtatzea erabaki da erabiltzaile gehien dituen linea baita. Ondoren, modu mailakatuan, gainontzeko lineak ziurtatzen joango dira.

28 linea Boulevardetik Miramoneraino doa eta Erdialdea, Amara, Anoeta Ospitaleak eta Miramon elkartzen ditu. Daturik garrantzitsuenak ondorengoak dira:

– Linearen ibilbide osoak 11.635 metro ditu.
– Lineak 28 geltoki ditu.
– 2006. urtean, 4.731.537 bidaiarik erabili zuten 28 linea.
– 2006.urtean batezbesteko erabilera lan-egunetan, 14.683 bidaiariena izan zen, larunbatetan 10.545 eta jai-egunetan 8.393 bidaiari izanik.

Kalitatea ziurtatzeko moduetako bat, erabiltzaileei inkestak egitea da. 28 linearen erabiltzaileei egindako azkeneko inkestak, 7,32-ko batezbesteko nota izan du. Beraz, erabiltzaileen asetze maila oso altua da.

Inkestan, zerbitzuarekin erlazioa duten 20 baloratu dira. Baloratu diren alderdi guztiek 6,65eko nota baino altuagoa lortu dute. Erabiltzaileek hobekien baloratu dituzten alderdiak ondorengoak dira:

– Ordutegiak eta maiztasunak (8,13)
– Autobusetan doako liburuen banaketa (8,12)
– Puntualtasuna ( Garaiz iristea ) (7,99)
– Ordainketa sistemak (7,89)
– Autobusetako argia (7,65)
– Geltokietan eskaintzen den informazioa (7,64)
– Mugikortasun murritza duten pertsonen sarbidea (7,59)

Espainian ziurtatzen duten enpresen buru dagoen AENOR erakundearen ziurtatze teknikariek egin dute ziurtatze prozesua, azken hilabeteetako datuak, egindako inkestak eta erabiltzaile anonimoek egindako ikuskapenak kontutan edukiz.

Ziurtagiri honek, Donostiabusentzat garrantzizko onarpen bat izateaz gain, azkeneko urteetan aurrera eramaten ari den berritze prozesuarekin eta exijentzia handiago batekin, gaur egungo kalitate maila hobetzen jarraitzeko garrantzizko bultzada bat suposatzen du.

DONOSTIABUSeko erabiltzaileek autobus bakoitzak geltoki guztietara iristeko behar duen denbora jakin ahal izango dute web orriaren bidez.

Horretarako, erabiltzaileak www.dbus.es web orrira sartu beharko du, BUS IRISTEKO DENBORA atalera joan eta WEB DENBORA aukeratu. Ondoren, linea aukeratu eta honen geltoki guztiak azalduko dira. Geltokia aukeratuta mezu bat azalduko da hortik pasako diren autobusen ondorengo deborak azalduz eta ibilbide desberdinak bereiziz.

Erabiltzailearentzako kosterik gabeko sistema berri honen bidez, edozein lekutik informazioa eskatu ahal izango da interneteko konexioa duen ordenagailuaren bidez.

Bezeroentzako informazio sistema berri honekin ezarritako informazio sistema osatzen da. Horretarako, orain bi urte baino gehiago linea guztietako geltoki esanguratsuenetan 75 panel elektroniko jarri ziren hurrengo autobusa pasatzeko falta den denbora adierazteko.

Era berean, autobusen iristeko ordua jakin ahal da SMS “dbus geltokiko kodea” mezu erraza 7377 zenbakira bidalita. Geltokietako kodeak DONOSTIABUSEKO 500 geltokietan adierazita daude eta baita web orrian ere. SMS sistema hau martxan jarri zenetik 1.500 informazio eskaera baino gehiago jaso dira.

Ekimen berri hau Donostiako Tranbia Konpainiaren anbizio handiko berrikuntzarako proiektu teknologikoaren barruan kokatuta dago, zerbitzua hobetzeko teknologia berrien erabilerarekin, bezeroek jasotzen duten informazioaren hobekuntzarekin eta ingurumenaren hobekuntzarako erabiltzen ari garen autobus berriekin batera.

Hurrengo geltokirako soinu bidezko abisua martxan jarri da DBUS-eko linea guzietan.

Soinu bidezko abisua aktibatzeko erabiltzaileak egingo duen ibilbiderako eskatu beharko dio gidariari. Abisua aktibatzeak ikusteko arazoak dauzkaten pertsonei mugitzen lagunduko die.

Sistema hau DV-BUSek eskaintzen duen multimedia kanalean dago integratuta eta autobusetako monitore guztietan ikusten den hurrengo geltokirako abisuaren osagarria da. Erabiltzaileek informazioa mapa baten bidez jasotzen dute eta bertan, autobusaren ibilbidea eta hurrengo geltoki hurbilenak azaltzen dira. Era berean, geltoki bakoitzak dituen hiri autobusen linea loturak ere azaltzen dira.

Sistema hau linea guztietan jarrita DBUSek beste pausu bat eman nahi du autobus zerbitzua irisgarriagoa eginez eta horrela, hiriko talde guztiei bere erabilera erraztuz.

DBUSeko erabiltzaileek geltokietatik autobusen iriste ordua jakin ahal izango dute SMS mezu erraz baten bidez.

Bezeroentzako informazio sistema berri honekin DBUSeko geltokietan ezarritako informazio sistema osatzen da. Horretarako, orain urte bete baino gehiago linea guztietako geltoki esanguratsuenetan 75 panel elektroniko jarri ziren. SMS bidezko informazio sistema honen bidez oraingo sistema hobetzen eta osatzen dugu hiriko geltoki eta DBUS-eko erabiltzaile guztietara zabalduz.

Sistema berri honen bidez ez da beharrezkoa izango geltokian bertan egotea eta informazioa edozein geltokitik eskatu ahal izango da. Mugikorra eta geltokiko kodea bakarrik izango dira beharrezkoak.

Ekimen berri hau Donostiako Tranbia Konpainiaren anbizio handiko berrikuntzarako proiektu teknologikoaren barruan kokatuta dago, zerbitzua hobetzeko teknologia berrien erabilerarekin, bezeroek jasotzen duten informazioaren hobekuntzarekin eta ingurumenaren hobekuntzarako erabiltzen ari garen autobus berriekin batera.

Zerbitzua erabiltzeko baldintza orokorrak, “SMS Denborak” atalean aukitu daitezke.

Europar Batasunak Donostia aukeratu du, Europar Batasuneko Ikerketa eta Garapenerako zazpigarren Programa Markoaren barnean garatuko den CIVITAS PLUS programan parte hartzeko.

Donostiak Europar partzuergo batetan parte hartuko du ondorengo hiriekin batera: Donostia, Aalborg (Danimarka), Brighton (Erresuma Batua) eta Iasi (Rumania), hiri lider gisa jardungo dutenak, eta Üsti Nad Labem (Txekiar Errepublika) eta Monza (Italia) hiri ikastun gisa.

Donostiabusek proiektuaren lidergoa eramango du Donostian, bertan ere ondorengo bazkideak izango dituelarik: Euskal Herriko Unibertsitatea-EHU, Logistikako Euskal Erakundea, GA21 eta Donostiako udala bera, Mugikortasun sailaren eta Donostiako Sustapenaren bitartez.

Proiektuaren izena ARCHIMEDES da eta hirien partzuergoak urte bete baino gehiago darama bertan lanean, 4 urteko iraupena izango du: 2008, 2009, 2010 eta 2011. Proiektuaren aurrekontu osoa 26 milioi euro baino handiagoa da, Donostiaren aurrekontua 6 milioi euro ingurukoa den bitartean.

ARCHIMEDES proiektuaren helburu nagusia mugikortasun programa jasangarriak, berritzaileak eta energetikoki eraginkorrak garatzea da.

Zortzi ildo estrategiko definitu dira ARCHIMEDES programaren baitan. Donostiabus “Erregai alternatibo eta ibilgailu garbi eta energetikoki eraginkorrak” izeneko lan arloaren europar mailako lidergoa eramateko aukeratua izan da, eta Donostiako udalarekin batera, “Eskaeraren kudeaketa estrategiak” lan arloa.

44 izango dira guztira, mugikortasun jasangarria eta garraio publikoaren inguruan hartuko diren neurriak Donostian ARCHIMEDES Programaren baitan. Neurri hauen artean hobekuntzak bus karriletan, autobuseko garraio publikoko korridoreen garapena, ibilgailu pribatua ez diren bitartekoen sustapena, autobus ekologikoak, kalitate sistemak garraio publikoan, mugikortasun plan pertsonalizatuak, errepideko segurtasunaren hobekuntza etab. aurreikusten dira.

Dbusek 36kWp potentziako 222 panel fotovoltaiko jarri ditu kotxerasen.

Dbusek duen 2007-2008 epealdiko Plan Estrategikoaren ekintzetan aurreikusita dago eta hone-kin Dbusek atmosferara jaulkitzen duen gas kutsakor kopurua gutxituko nahi du.

234.000 euroko instalazio hau Energiaren Euskal Erakundeak ezarri eta zuzendu du eta Dbuseri errenditzen eman dio instalazioa.

Instalazioa Norsolarrek burutu du eta honek ISOFOTÓN ISF-200/18 markako 222 panel jarri ditu . Panelak Kotxeraseko estalkian jarri dira.

Egitura metalikoak aluminiozko eskuaira eta listoiez osatu dira eta hauek eraikuntzako estalkiko hormek aseguratzen dituzte. Era berean, estrukturak eta panelak aseguratzeko lastak jarri dira haizeak sor ditzakeen arazoak ekiditeko. INGETEAM (Ingecon Sun) markako 3 inbertsore trifa-siko ezarri dira, bakoitza 10kWkoa .

36.000 kwh-ko urteko produkzioa aurreikusten da, estatistika meteorologikoen erabilpen orduak kontuan izanda. Ekoizpen honen baliokidea 36 pertsonen urteko kontsumo elektrikoa da.

Gainera, beste energia mota kutsakorren erabilpena ekidingo da hala nola, ikatza, fueloleoa etab. Beraz, energia garbi hau erabiliz CO2.ko 34.000 kg gutxi gorabehera izango da atmosfe-rara jaulkiko ez dena.

Inbertsio garrantzitsu honekin eta, biodiesela duten eta kutsadura gutxitzen duten autobus ontzi berritzearekin, Dbusek hiritarrei garraio publiko jasangarria eta ingurumenarekin errespetuzkoa eskaini nahi die.

2008ko ekainak 23tik aurrera, DBUS-ek, Martutene Riberas de Loiola, Egia eta Gros-ekin zuzeneko konexioa izando duen autobusa ipiniko du, 41-MARTUTENE-EGIA-GROS linearekin, eta Loiolako geltokiak aldatuko ditu.

41 linearen luzapenarekin, Martuteneko bizilagunek zuzeneko konexioa izando dute Egia eta Gros-ekin, 30 minuturo astegunetan eta 60 minuturo igandetan.

Linea berri hau, Martutene auzoak zerbitzu gehiago edikitzea suposatzen du, 26-Amara-Martutene linea osatzen du. (Amara, Erdialdea eta Martuteneko konexioa).

Linearen luzapenarekin, 41 lineak Loiolan geltoki aldaketa izando du.
Ciudad Jardín-eko geltokia Riberas de Loiola eta Martutene-runtzko joateko balioko du, eta ez Gros-eruntz joateko

Loiolako bizilagunek, ondorengo geltokiak izando dituzte:
– Gros-runt: Patxillardegi, Loiola-Topo eta Loiolako Parking-a.
Autobusean Egía-Gros jarriko du.

– Martutene-runtz: Ciudad Jardín eta Liolako Parking-ean.
Autobusean Egía-Loiola-Martutene jarriko du.

Riberas de Loiolako bizilagunek, bi norabideetan, Juan Zaragüeta geltokian hartu beharko dute autobusa.

– Gros-eruntz: Autobusean Egía-Gros jarrito du.

– Martutene-runtz:Autobusean Egía-Loiola-Martutene jarriko du.

Martutenen autobusak 26 linearen ohizko geltokiak izango di-tu.

Donostia kultura eta Dbus, Donostia kulturak Donostian dituen liburutegi publikoetan Dbus-ek argitaratutako liburuak kokatzeko akordiora iritsi dira.

Liburuak egongo diren liburutegiak ondorengoak dira:

– Biblioteca Central de Alberdi Eder
– Central Infantil
– Amara Ernest Lluch
– Oquendo
– Tomasene (Altza)
– Intxaurrondo Berri
– Loiola
– Lugaritz
– Larratxo
– Egia

Dbus-ek 2007 urtean zehar autobusetan doain banatutako liburu hauek, azken urteetako Donostia-Kutxa Literatur sariak dira.

Kutxak eta Dbus-ek, irakurzaletasuna eta garraio publikoaren erabilera bultzatzeko kan-painarekin jarraituko dute eta ondorioz, saritutako ipuin berriak doan oparituko dituzte autobusetan 2008an zehar, hileko azken igandean.

Akordio berri hau, apirilak 23an Liburuaren eguna, Dbus-ek egindako liburuen banaketak izandako arrakastaren jarraipena suposatzen du. Donosita Kulturak Gipzuzkoa enparant-zan ipinitako karpan, doain, Dbus-en 6000 liburu ale baino gehiago banatu ziren.

Bere autobus ontzidia berritzeko lanean, DBUS-ek 12 autobus berri dauzka 2008ko urtarriletik hona. Horietatik hamaika, hamabi metroko autobusak dira eta bat, mikrobusa.

Hamabi metroko autobusak MAN Lion’s City A21 dira, eta mikrobusa, Mercedes Benz Sprinter WDB 906.

Autobus berri hauekin Konpainiak irudi eta erosotasunean aurrerapausoak eman nahi ditu, ibilgailu horiek diseinu eta ikusmolde aldetik modernoak baitira. Autobusak, zeinak erosoak eta ziurrak diren, diseinatuta daude material eta kolore erakargarriz, barrualde argi eta zabalak dauzkate, eserlekuak dira eroso eta anatomikoak, binilo-apar materialez eginak eta poliester-ehun euskarridunak.

Autobus guztiak irisgarriak dira eta ezaugarri hauek dauzkate: behe-zoru integrala, arrapala automatikoa, eskalerik gabeko sarrera, mugikortasun txikia dutenentzako erreserbatutako aulkiak, ume-kotxe eta elbarrien kotxeentzako leku zabalagoa. Era berean, gidatzeko hobeak dira gidarientzako aulki ergonomikoa baitaukate.

Autobusen karrozeria Carrocerías Burrillon-en egiten da eta honek ibilgailuak Donostiako behar berezietarako pertsonalizatzen ditu.

Modelo berrien ezaugarri tekniko aipagarrienak dira:

– Turbokonpresoredun diesel motorra, MAN D20LUH11 EEV, 270 ZP potentzia eta 10.518 zk zilindraia, common rail injekzio-sistemaduna.
– Martxa-kutxa automatikoa, ralentitzailea barne modelo ECOMAT 4 6HP554, aurreko 6 martxa eta atzeko martxa 1 dituena.
– Erdiko eta atzeko Ventura ate bikoitzak, kanpo aldera ate lerragarriak eta itxiera automatikoa 3 km/o abiadura gainditzean.
– Massats SAM1001 arrapala automatikoa, martxa eta ate-blokeoa du arrapala jaitsita dagoenean.
– Kneeling belaunka eskuin aldean ateak itxita daudenean eta ertzaren jaitsiera gutxi gorabehera 80 mm-koa.
– Balazta sistema EBS erregulazio automatikoduna, ABS blokeoren kontrako sistema eta ASR trakzio kontrola (etengailu bidez itzaltzen da).
– Thermoking Athenia aire egokitutako ekipoa eta klimatizazioa gidariaren lekuan.
– Aesys markako kanpoko linea adierazleak LED teknologia ultra-argia eta horizontalean ikusteko angelua (120º).
– Ukipenik gabeko ezeztatze ekipoak eta SAE sistema integratutako txartel sistema, informatzeko eta komunikatzeko.
– Erabiltzaileak informatzeko DVBUS berri kanala emititzen duten bi monitore.

Lion’s City-en motorrak modernoagoak eta efizienteagoak dira. Europako indarreko ingurumen araudiak betetzear gutxiago kutsatzen dute bai gasa botatzean eta baita zarata egitean. Azpimarragarria da autobus berriek apenas egiten dutela zarata.

Hurrengo 12 hilabetetan zehar autobus honen 20 unitate berri erosiko dira. Honetaz gain, 18 metroko bi autobus artikulatu berri ere, MAN NG313F bastidore dutenak eta Burillon-en egindako karrozeria izango dute. Autobus hauen erosketa izango da Konpainiak bere historian zehar egindako handiena.

2008an, lehen unitateetan MAN D2066 LUH21 bastidore motorrak muntatuko dira eta honek ahalbidetuko du autobus berriek EEV (Enhanced Environmentally-Friendly Vehicle: ibilgailu ekologiko egokitua) araudia betetzea, datorren Euro 5 araudia baino askoz ere gogorragoa dena.

DBUS-ek biodiesela bere ontzidian ezartzeko egitasmoarekin batera, autobus berri hauekin CO-a % 66,6, HC %77,2, NO %75 eta PM% 94,4 gutxitzen da eta gainera atmosferan kutsagarrien botatze maila gutxitzen da CO2 1.000 kg urtean ibilgailu bakoitzeko.

Autobus berriak martxan jartzen direnenean zaharrak baztertuko dira eta era berean, hurrengo hilabetetan linea berriek dakartzaten beharrei erantzun ahal izango zaie. DBUSen autobusen bataz besteko antzinatasuna gaur egungo 6,2 urtetik 4,5 urtera gutxituko da.

Era berean, ontzidi guztiek beteko dute %100ean irisgarritasun neurriak.

Mikrobusa, Mercedes Benz Sprinter City 65 WDB 906 modeloa da, eta ondorengo ezaugarri hauek ditu:
– Mercedes Benz 646.986 potentziadun diesel motorra 150 ZP pontentzia eta 2.148 zk zilindraia.
– Martxa-kutxa automatikoa, ralentitzailea eta atzeko trakzioa integratuta.
– Gurpil-aulkiak igotzeko arrapala automatikoa, martxa eta ate-blokeoa du arrapala jaitsita dagoenean.
– Kneeling belaunka eskuin aldean ateak itxita daudenean.
– Balazta sistema automatikoa EBS erregulazio automatikoduna, ABS blokeoren kontrako sistema, BAS larrialdi kontrola, eta ASR trakzio kontrola (etengailu bidez itzali) eta egonkortasun sistema ESP elektronikoa.
– Carrier aire egokitutako ekipoa eta klimatizazioa gidariaren lekuan.
– Aesys markako kanpoko linea adierazleak LED teknologia ultra-argia eta horizontalean ikusteko angelua (120º).
– Ukipenik gabeko ezeztatze ekipoak eta SAE sistema integratutako txartel sistema informatzeko eta komunikatzeko.

Microbus berri honekin guztira 9 dira DBUSek azken hiru urtetan erositako mikrobusak, eta hauekin hain arrakastatsuak izaten ari diren linea berriei erantzun ahal izango da.

Vallinaren 10. urteurrenarengatik ospatutako ekiltadian, Donostiabusek, egun hontarako sortutako saria jaso du. Sari hau, Donostiabus-ek Donostiako garraio kolektiboari emandako bultzadarengatik eskeini da.
Apirilak 3ean Donostian ospatutako ekitaldian, hainbat agintari eta sektoreko hainbat pertsona bildu ziren. Eta Donostiabusek, beste perstona fisiko eta elkarte batzuekin batera, Vallinaren zuzendarien eskutik saria jaso zuen.

Donostiabus harro sentitzen da jasotako sariarengatik. Vallina, garraio publikoaren sektorean eta batipat, Donostiako taxietan prestigio handia duen enpresa bait da.