DBUSek saria eskuratu du Emakumeen eta Gizonen Berdintasunaren aldeko erakunde laguntzaile gisa. Saria, DBUSeko giza baliabideetako saileko arduradunek jaso zuten 2010eko apirilaren 13an Emakundek Gasteizen duen egoitzan, Maria Silvestre Emakundeko zuzendariaren eskutik.
Donostiako Tranbia Konpainiak Dbuseko 2009ko urteko Memoriaren datuak aurkeztu dizkio Administrazio Kontseiluari. Memorian, batez ere bidaiarien kopurua azpimarratzen da, 2008tik 2009ra bitartean 28.002.785 izatetik 28.460.380 izatera pasatu baitira, hau da, 457.595 bidaiari gehiago izan dira.
DBUSen 2010eko “Autobus Ekologiko” berriak heltzen hasi dira. Aurten hiriko 8 autobus berri ibiliko dira Donostiako kaleetatik zehar. Azkeneko autobus berriak bezala, hauek ere MAN Lion’s City dira eta EEV teknologia ekologikoa dute.
DBUSek AENOR ziurtagiria eskuratu du bere “Benta Berri” 5. lineagatik Bidaiarien Garraio Publikoari buruzko UNE-En 13816 arauaren arabera. Ziurtagiri hau berau “Amara-Ospitaleak” 28. lineak ere eskuratu zuen aurretik, eta oraingoan linea honek ere ziurtagiria berriro eskuratu du.
UNE 13816 arauaren kalitate ziurtagiria lortzeko prozesuaren baitan, 2009ko azken hiruhilekoan DBUSek gogobetze galdetegi bat egin du 5-Benta Berri eta 28-Amara-Ospitaleak lineetako era-biltzaileen artean.
Horretarako, inkesta bat egin da autobusetan bertan, 1etik 10eko puntuazioarekin baloratuz zerbitzuaren 23 atal esanguratsu.
DBUSen zerbitzuetan autobusean bidaiatu dutenen kopurua 28.460.380koa izan da 2009. urtean. Horri esker, 2008. urtean lehen aldiz lortu ziren 28 milioi bidaiariren kopurua eta hasierako aurreikuspen guztiak nabarmen gainditu dira.
Kopuru horrek marka historikoa ekarri du berekin; izan ere, zerbitzua udalekotu eta CTSSk beste udalerri batzuei zerbitzuak emateari utzi zionetik Donostiako Tranbia Konpainiak inoiz izan duen bidaiari kopururik altuena da hori.
Bosgarren urtez jarraian, bidaiarien guztizko kopurua hazi egin da. Datu hau bikaina da, hiri garraio enpresek generalean bidaiarien murriztea jasaten ari bait dira. Bost urteotan, Donostian autobusa erabiltzen dutenen kopurua 2 milioi eta erdi lagunetan handitu da, %10 inguru.
Datu horiek kontuan hartuta eta beste hiri batzuekin alderatuta, Donostia lehen postuan dago autobusen erabilerari dagokionez. Donostiar bakoitzak, urtean, autobusean 156 bidaia egiten ditu batez beste, Europan zifrarik altuenetako bat.
2009. urtean gehien erabili den linea 28-AMARA-OSPITALEAK izan da; guztira, 4.832.586 bidaiari izan ditu; horren jarraian, 13-ALTZA linea aipatu behar da, 3.724.018 bidaiari izan baititu, eta 5-BENTABERRI linea, 2.558.403 bidaiarik erabili baitute.
Erabiltzaileek autobusa gehien erabili duten hilabeteak hauek izan ziren: uztaila, 2.554.480 bidaiarirekin, abuztua 2.476.954 bidaiarirekin, urria 2.456.242 bidaiarirekin, iraila 2.445.126 bidaiarirekin eta azaroa 2.406.830 bidaiarirekin.
Oro har, udan eta urtearen bigarren zatian igo zen autobusaren erabilera; zalantzarik gabe, horretan eragina izan zuten zerbitzuan egindako aldaketek eta hobekuntzek, irailean linea ugarietan egindakoek, hain zuzen. Zehazki, 2009 urteko azkeneko hiruhilekoan, 5-Benta Berri eta 31-Intxaurrondo-Ospitaleak-Altza lineek 121.161 eta 54.514 bidaiari gehiago izan dituzte hurrenez hurren , lehengo urteko hiruhilekoarekin alderatuz.
Urte osoan autobusaren erabilerarik handieneko egunak hauek izan ziren: abenduak 21 (San Tomas eguna), 120.680 bidaiari izan baitzituen eta horrek DBUSek egun bakarrean lortutako bidaiarien marka absolutua ezarri zuen; jarraian, Aste Nagusiko egun batzuk aipatu behar dira: abuztuak 14, 114.683 bidaiarirekin; abuztuak 12, 108.304 bidaiarirekin; abuztuak 13, 105.328 bidaiarirekin; abuztuak 11, 103.557 bidaiarirekin; eta urtarrilak 19 (San Sebastian egunaren bezpera), 102.154 bidaiarirekin.
Autobusaren batez besteko erabilera nabarmen hazi da lanegunetan (90.307 bidaiari/egunean; aurreko urteko kopurua 88.488 bidaiari/egunean izan zen) zein larunbat (65.376 bidaiari/egunean; aurreko urteko kopurua 64.958 bidaiari/egunean izan zen) eta jaiegunetan (40.986 bidaiari/egunean; aurreko urteko kopurua 39.894 bidaiari/egunean izan zen).
Gaueko zerbitzuetan ere errekor berria ezarri da, 220.666 bidaiarik erabili baitituzte. Auzo bakoitzera joaten den gaueko autobusaren erabilerak % 9ko igoera izan du eta horrek eragin du kopurua ere oro har handitzea.
Gainera, nabarmendu beharrekoa da hileko txartelen ezarpenak izan duen arrakasta handia; izan ere, horien bidez 2.301.045 bidaia egin dira eta aurreko urteko datuak % 26 hazi dira horrenbestez.
Urtarrilak 19 eta 20ean zehar, Donostiako Jai eguna dela eta, 170.000 bidaiari baino gehiago zenbatu ziren DBUS autobusetan. Datu hau aurreko urteko zenbakiekiko %10 handitzea suposatzen du.
DBUS-ek auzo guztietako lineetan zerbitzu berezi gehigarriak ipini zituen, bai Bandera Igoera baino lehen 19 egunaren arratsaldean zehar, bai gau guztian zehar Bandera Igoera ondoren 20eko goizeko lehenego zerbitzuak arte, bai 20eko Haur Danborradarako, eta baita ere 20eko atsalde gau partean 1:00ak arte, Bandera Igoera eta gero egon ziren azken zerbitzuak alegia.
Hiriko garraio publikoaren erabilpena Donostiako jaiegun honetan zahar oso arrakastatsua izan da, 170.557 bidaiari zenbatuz. Azpimarratzeko da, gaueko 12 eta goizeko 7ak artean, “GUTXORI” zerbitzu bereziak 10.000 pertsona baino gegiagok erabili zituztela.
Egun hauetan gehien erabili diren lineak ondorengoak izan dira:
– 28-AMARA-OSPITALEAK: 25.460 bidaiari
– 13-ALTZA: 23.271 bidaiari
– 5-BENTA BERRI: 18.686 bidaiari
– 26-AMARA-MARTUTENE: 9.528 bidaiari
– 14-BIDEBIETA: 7.915 bidaiari
– 13-LARRATXO-INTXAURRONDO-BERIO: 7.307 bidaiari
– 9-EGIA-INTXAURRONDO: 7.206 bidaiari
– 29-INTXAURRONDO SUR: 6.777 bidaiari
Abenduaren 21ean ospaturiko SAN TOMAS egunean, DBUSeko hiri-autobusetan 119.364 bidai egin ziren.
Erabiltzaile-kopuru hau Konpainiak egun batean inoiz izan duen handiena da, 2007.urteko izandako marka baino 4.000 bidai gehiago egin zirelarik.
Gehien erabili diren autobus-lineak honakoak dira:
– 28-AMARA-OSPITALEAK: 19.213 bidaiari
– 13-ALTZA: 16.731 bidaiari
– 5-BENTA BERRI: 14.477 bidaiari
– 26-AMARA-MARTUTENE: 7.300 bidaiari
– 25-BENTA BERRI-AÑORGA: 5.443 bidaiari
– 9-EGIA-INTXAURRONDO: 5.320 bidaiari
Lan egun bateko autobusaren erabilerarekin alderatuz, jasotako 119.364 bidaiarien zifra, %35eko gehitzea suposatzen du, gutxi gora behera 30.000 bidaiari gehigarri..
Egun guztian zehar, DBUS-ek errefortsu dispositibo berezi bat ipini zuen, 16 gidari eta autobus gehigarriak erabiliz. Guztira egun guztian zehar, 211 gidarik baino gehiagok egin zuten lan Donostiako autobusetan.
Halaber, garraio publikoa zuzen funtzionatzeko Mugikortasun-agenteen laguntza funtsezkoa izan zen.
Azaroaren 21etik aurrera Donostiako kaleetan zehar autobus hibridoa dabil zirkulatzen. Autobus hau probetan egongo da aste batean zehar. MAN etxe alemaniarrak ekoiztu duen azken modelo hibridoa da eta Lions City modelotik eratorria da. Teknologia honetan egindako lehen prototipoetako bat da eta aurrerapauso garrantzitsua dakar hiri garraio jasangarriaren arloan.
Documento adjunto: autobus-hibrido-eu.pdf (266,578 KB)
Donostiaren hiri garraio politika saritua izan da urriaren amaieran Cracovian (Polonia) ospatu den CIVITAS FORUM Conferencean. Bertan, Europar Batasuneko goi ordezkariak eta europako hiri garrantzitsunetako dezkariak zeuden bilduta.
Hiri garraio garbiari Europa mailan eskaintzen zaizkion sari garrantzitsuenen finalista izan da Donostia. Frantziako Nantes hiria izan da garailea. Donostia eta Nantesekin batera, beste finalistak Estokolmo eta Brujas izan dira.
Donostiako ordezkariei emandako diploman Donostiak hiri garraioaren alorrean egindako lorpenak aipatzeaz gain, Europako hirietan garraio eraginkorrago eta ekologikoa sustatzeko CIVITAS egitasmoaren baitan egindako enbaxadore lanak azpimarratzen dira ere.
Donostiak hiri garraioa hobetzeko hartutako erabakiak eta neurriak goraipatzen dira, eta baita lidertza politikoa eta etengabeko lanaren arrakasta ere.
Era berean, Donostia Bikaintasunaren paradigma dela adierazten da, eta Donostiako esperientzia europako beste hirentzat eredugarri izan daitekeela. Europa mailako mugikortasun iraunkorreko egitasmoen garapenaren eredu dela aipatu da ere.
Amaitzeko, batzorde honek mugikortasun iraunkorraren bitartez europako hiritarren bizi kalitatea hobetzen duen hirietako bat beaala izendatu du Donostia.
Hitzaldian Donostiako udaleko eta DBUSeko ordezkariek parte hartu zuten eta autobus ekologikoen inguruan egindako hobekuntzak eta bizikletaren erabileraren sustapen arloan egindako lanak aurkezteko aukera baliatu zuten.