Langileak

Category : Berriak

Portada_12

Kalean iada, DBUSBERRI aldizkariaren 12. zenbakia

Portada_12DBUSek, DBUSBERRI aldizkari ale berria argitaratu du, non 125. urteurrenarekin zerikusia duten albisteak jasotzen diren.

12. ale hontan eduki ezberdinak aurki daitezke: DBUSen web mugikor berria, elkarrizketak, bai DTKko lehen emakume gidariari egindakoa, bai Konpainiako historiaren partaideak diren lankideei eta DBUSi buruzko bitxikeri asko. 

DBUSBERRI orain dela 2 urte sortu zen, Donostiako Tranbia Konpainiaren komunikazio eta hobekuntza planaren barruan. 

Hiru hilero argitaratzen den aldizkariak, 15.000 aletako tirada du eta zuzenean, autobusa gehien erabiltzen duten erabiltzaileen etxeetara bidaliko da. Era berean, hiriko zentro publiko desberdinetan hartu ahali zango da, esate baterako liburutegietan, kultur etxeetan, Udal-infon, Mugikortasunean, eta CTSS-DBUS bertako erabiltzaileen arretarako bulegoan eta  www.dbus.eus webgunean formatu elektronikoan.

Aldizkaria ikusi (pdf)

Irakurri
tranvia_Miraconcha

Martxoaren 7an, Javier Maria Sadaren hitzaldia, “tranbiak, autobusak eta trolebusak”

tranvia_MiraconchaMartxoaren 7an, Javier Maria Sadak “Tranbiak, autobusak eta trolebusak” izeneko hitzaldia emango du. DTKren 125. urteurrena dela-eta antolatu diren lau hitzaldietako bigarrrena izango da.

Donostiako Tranbia Konpainiaren 125. urteurrena dela-eta antolatu diren ospakizunekin jarraituta, DBUSek, Gizarte Kutxaren laguntzari esker, lau hitzaldik osatutako ziklo bat antolatu du DTKren historiako 125 urteei buruz otsail, martxo eta apirilerako.  

DTKren historia eta bilakaera oso lotuta dago Donostiako hiriaren beraren bilakaerarekin, eta Konpainiaren historiaren bitartez ikus dezakegu nolakoa izan den hiriaren beraren garapena.

Hitzaldietan DTKren historia azalduko da 1886tik gaur arteko pasadizuak eta irudiak erabilita, eta bukaeran garraio publikoaren etorkizunaz hitz egingo da.  Era berean, Donostia orain dela 125 urte nolakoa zen azalduko da, bai eta garai desberdinetan izan dituen aldaketak ere.  

Hitzaldiak DTKren historia eta hiriaren beraren bilakaera oso ondo ezagutzen dituzten pertsonek emango dituzte.  Kutxaren Arrasate aretoan izango da, 19:30ean, eta hiritar guztientzat irekia izango da.

Martxoaren 7an, Javier Maria Sadak, gure hiria ondo ezagutzen duenak, “Tranbiak, autobusak eta trolebusak” izeneko bigarren hitzaldia emango du. 1887ko Donostiari begirada bat emango dio, eta, pasadizu bitxiez eta datu estatistikoez baliatuta, 1887-1897 hamarkadan zaldiek tiratuta zeuden lehen tranbiez, lehenengo trolebusez eta ondoren horiek izan zuten bilakaeraz arituko da. 

Hona hemen hurrengo hitzaldien egutegia:

  • Martxoak 7 – Javier Maria Sada  

Tranbiak, autobusak eta trolebusak

  • Martxoak 28 – Jose Manuel Etxaniz.

Zaldiek tiratutako tranbia hipomobilak 

  • Apirilak 25 – Gerardo Lertxundi

Dbusen iragana, oraina eta etorkizuna 

Lekua: Arrasate kaleko Kutxa aretoa

Ordua: 19:30 h.

Otsailaren 22an Juanjo Olaizolak lehen hitzaldia eman zuen eta bertan DTKren 125 urteei errepasoa egin zien historialari baten ikuspuntutik, enpresa sortu zenetik gaur arte tranbiek teknologiaren aldetik izan duten bilakaerari begirada bat emanda,  hau da, zaldiek tiratutako tranbiak, tranbia elektrikoak, trolebusak, bi solairuko autobusak, autobus artikulatuak eta mikrobusak berrikusita,  bai eta poliki-poliki sortu diren linea berriak ere.

Hitzaldi guztiak grabatu egingo dira eta bideoak www.dbus.es web orrian egongo dira eskuragai.

Era berean, gogoratu nahi dugu Gipuzkoako Foru Aldundia, Gizarte Kutxa eta FNAC 125. urteurren honekin lotutako ekintza guztietan eskaintzen ari diren laguntza.

Irakurri
IMG_2738

Ate irekien jardunaldi berri bat DBUSen, BIDEBIETA, HERRERA eta MIRAKRUZ GAINEKO bizilagunentzat

IMG_2738DBUSen Kotxetegiak ikusteko hurrengo bisita, 2012ko martxoaren 7-8an izango da. Oraingo honetan, Bidebieta, Herrera eta Mirakruz Gaineko bizilagunak izango dira bisita egiteko aukera izango dutenak.

Auzo horietan bizi diren guztiek, DBUSeko kotxetegiak eta bere Trafiko sekzioa (Kontrol zentroa, SAE, Bideo-zaintza, ikuskatzaileak, gidarien ordutegiak, etab.) eta tailerrak (garbiketako makinak, deposituak betetzeko makinak, autobusen konponketak eta mantentze lanak, garajea, etab.) ikusi nahi badituzte, eta horiekin batera, DBUS seguru bidaiatzeko modua ezagutu ere, izena eman dezakete comunicacion@www.dbus.eus helbidera mezu bat bidalita edo Kotxetegietara deituta (telefono zenbakia: 943 000 200)

Donostiako Tranbia Konpainiak 125 urte bete dituela eta, DBUSek ate irekien jardunaldiak antolatzen ari ditu hiritarrentzat Kotxetegietako instalazioak eta Konpainiaren funtzionamendua ezagutzeko aukera izan dezaten. Auzo ugarietako bizilagunek bisitatu gaituzte jada, eta emaitzak  oso onak izan dira. 

Hurrengo jardunaldiak honako egun hauetan izango dira gutxi gorabehera:

  • INTXAURRONDO- ATEGORRIETA- ULIA: 2012ko martxoren 27-28an
  • AIETE- APAIZGAITEGIA: 2012ko maiatzaren erdialdean
  • AMARA- LOIOLAKO ERRIBERAK: 2012ko ekainaren hasieran
  • IGELDO- AÑORGA: 2012ko ekainaren bukaeran

 Aldez aurretik berretsiko dira data konkretuak.

Irakurri
web-mobil

DBUSek bere web mugikor berria aurkeztu du

web-mobilErabilgarri dago jada DBUSeko web mugikorra, edozein tokitatik terminal mugikor baten bitartez autobusen iritsiera orduei buruzko informazio praktiko guztia azkar eta erraz eskuratu ahal izateko.

Errealitate Areagotua Aplikazioa.

DBUSek, bere zerbitzuak hobetzeko etengabe egiten duen apustuan, DBUSeko web mugikorra aurkeztu du, erabiltzaileek egindako eskari bati erantzuteko; izan ere, erabiltzaileek gero eta gehiago erabiltzen dituzte telefono mugikor adimentsuak eguneroko jardueretan eta informazioa kontsultatzeko.

Gehiago irakurri (pdf)

Irakurri
sobrecubierta_TSS-2

Otsailaren 22an Juanjo Olaizolak DTK-ren historiako 125 urteei buruzko hitzaldia emango du

sobrecubierta_TSS-2DTKren 125. urteurrena dela-eta antolatu diren lau hitzaldietako lehena izango da.

Donostiako Tranbia Konpainiaren 125. urteurrena dela-eta antolatu diren ospakizunekin jarraituta, DBUSek, Gizarte Kutxaren laguntzari esker, lau hitzaldik osatutako ziklo bat antolatu du DTKren historiako 125 urteei buruz otsail, martxo eta apirilerako.  

DTKren historia eta bilakaera oso lotuta dago Donostiako hiriaren beraren bilakaerarekin, eta Konpainiaren historiaren bitartez ikus dezakegu nolakoa izan den hiriaren beraren garapena.

Hitzaldietan DTKren historia azalduko da 1886tik gaur arteko pasadizoak eta irudiak erabilita, eta bukaeran garraio publikoaren etorkizunaz hitz egingo da.  Era berean, Donostia orain dela 125 urte nolakoa zen azalduko da, bai eta garai desberdinetan izan dituen aldaketak ere.  

Hitzaldiak DTKren historia eta hiriaren beraren bilakaera oso ondo ezagutzen dituzten  pertsonek emango dituzte.  Kutxaren Arrasate aretoan izango dira, 19:30etan, eta hiritar guztiak bertaratu ahal izango dira.

 Hona hemen hitzaldien egutegia:

  • Otsailak 22: DTKren historiako 125 urteak, Juanjo Olaizolaren eskutik.
  • Martxoak 7: 125 urte hauetako istorio bitxi eta txutxu-mutxuak, garraio publikoarekin eta hiriarekin lotuak, Javier Maria Sadaren eskutik.
  • Martxoak 28: Zaldiek tiratutako tranbiak, Jose Manuel Etxanizen eskutik.
  • Apirilak 25: Dbus iraganean, gaur egun eta etorkizunean, Gerardo Lertxundiren eskutik.

Lehen hitzaldian, Juanjo Olaizolak Konpainia 1886an sortu aurretikoak kontatuko ditu, eta hainbat une historiko azalduko ditu, hala nola Zaldiek tiratutako Tranbien lehen zerbitzuaren inaugurazioa 1887ko uztailaren 18an. Ondoren, Tranbia Elektrikoak, 1918-1920 aldian jasandako krisialdi finantzarioa, Gerra Zibilaren garaia, trolebusen garaia, eta autobusak erabiltzera pasatu zeneko garaia edo enpresa pribatu izatetik publiko izatera pasatu zenekoa azalduko ditu, azkenean gaur eguneko tranbiez hitz egiteko. Hitzaldian DTKren ibilbide historikoa erakutsiko diguten hainbat argazki historiko aurkeztuko dira.

Juanjo Olaizola 1965ean jaiotako donostiarra da hirietako liburu dendetan salgai dagoen eta Dbuseko web orrialdearen bitartez eskura daitekeen “DBUS 125 urte/años” izeneko liburuaren egilea.  Era berean, Juanjok Tesina bat egin du (eskugarri hemen: www.dbus.eus ), non Donostiako tranbiaren aurrekariak aztertu eta garraiobide honen hastapenei begirada azkar bat ematen dion testuinguuru nazionalean zein nazioartekoan, DTK-k hasieran izan zituen lehen hiri garraio publikoei errepasoa eginda, hau da, zaldiek tiratutako tranbiak zeudenetik tranbia elektrikoa heldu zenera artekoa aztertuta. Azterketa hau Azterlan Aurreratuen Diploma eskuratzeko egin du (ohiko tesinari gaur egun ematen zaion izena); Azterketa Madrileko UNEDen egoitzan defendatu zuen, eta 10eko kalifikazioa eskuratu zuen. Azterlan Aurreratuen Diploma hori Konpainiaren historia osoari, hau da, konpainiaren hasieratik gaur egunera arteko historiari buruzko tesiaren atarikoa dugu.

Era berean, gogoratu nahi dugu Gipuzkoako Foru Aldundia, Gizarte Kutxa eta FNAC 125. urteurren honekin lotutako ekintza guztietan eskaintzen ari diren laguntza.

Irakurri

Bihartik aurrera, otsailak 15, Dbusen abantaila gehiago Lurraldebuseko txartelarekin

Bihartik aurrera, otsailak 15, DBUSeko autobusetan hobaria duten kolektiboentzako Lurraldebuseko txartelak erabili ahal izango dira eta posible izango da Dbus-Dbus autobus aldaketa egitea Lurraldebuseko txartelekin.  

Berriki, Donostiako Udalak eta Gipuzkoako Foru Aldundiak, DBUSeko garrraio publikoa txartel bakarrean integratzeko hitzarmena aldatzea erabaki dute.

Erabaki berri horren ondorioz, DBUSeko autobusetan hobaria duten kolektiboentzako Lurraldebuseko txartelak erabili ahal izango dira (“Haurrak” txartela izan ezik) eta posible izango da txartel hauekin Donostiako autobus aldaketak egitea.  Beraz, Lurraldebus txartelek, Donostiabuseko txartelek hiri autobusetan dituzten abantaila berak izango dituzte, eta txartel guzti-guztiek, prezio bera izango dute erabiltzaileentzat. 

Lurraldebusen hobariak dituzten kolektiboetan sartuta dauden erabiltzaile guztiek, Donostiako autobusak erabili ahal izango dituzte; beraz, txartel bakarra izango dute Gipuzkoako autobus guztietarako.

Momentuz, DBUSeko egungo txartel guztiek funtzionatzen jarraituko dute, baina poliki-poliki Lurraldebuseko txarteletara pasatuko dira.  

Txartel eskaera

Garraio txartela eskuratu edo berritu nahi dutenek, Lurraldebuseko txartela eskatu beharko dute, txartel horrek onura gehiago eskaintzen dituelako.

Horregatik, bihartik aurrera, ez da Dbuseko txartel arrunt gehiagorik igorriko. DBUS txartelak, Donostian Bonobus Soziala izateko eskubidea duten pertsonei eta Dbuseko hileko bonuak kontratatu nahi dituztenei bakarrik zuzenduko zaizkie.

Dbus autobusetan erabili ahal izango diren hobaria duten Lurraldebuseko txartelak, ondorengoak izango dira: Gazteak, Adinekoak, Ezianduak eta Sozialak. Lurraldebuseko dohako bidaia txartelak izango dira DBUS autobusetan erabili ezin izango diren txartel bakarrak (“Haurrak” Lurraldebus txartela).

Lurraldebuseko txartel guztiek argazkia izango dute, pertsonalak eta eskualdaezinak izango dira. Txartelaren eskaera, baimendutako kiosko, estanko eta liburu denden sarean egin ahal izango da.

DBUSeko txartela behar duten pertsonek,  Kutxabanken eta Caja Laboral/Euskadiko Kutxaren bulegoetan egingo dute eskaera, orain arte bezala.

Txartelaren birkargatzea eta autobusetan erabilera

Lurraldebuseko txartelak baimendutako kioskoen sarean birkargatu daitezke, bai eta horretarako prestatuta dauden Kutxabankeko kutxazainetan ere.

Lurraldebuseko txartela DBUSeko autobusetan erabiltzean, txartelaren saldotik bonobus arruntaren tarifari dagokion zenbatekoa kenduko zaio. Aurretik aipaturiko guneetan txartelak birkargatzeko orduan, dagozkion hobariak aplikatuko zaizkio.  

Egun dauden Dbuseko txartel guztiek indarrean jarraituko dute, eta erabiltzaileek, nahi izan ezgero, Lurraldebuseko txartela eskatu ahal izango dute txartel horrekin abantaila gehiago izango dituztela ikusten badute.

Txartelei buruzko informazio guztia

Irakurri
la_foto

Dbus argazki historikoen erakusketa ibiltaria hiriko kultur etxeetan

la_foto“DBUSen argazki historikoen erakusketa” ibiltaria ikusgai Intxaurrondo Kultur Etxean, otsailak 8-23 bitartean.

 Donostiako Tranbia Konpainiak, DBUSek, sortu zeneko 125. urteurrena ospatzen duela eta antolaturiko ekitaldien agendarekin jarraituz, DBUSek “irudi historikoen erakusketa” antolatu du DBUSen azken 125 urteetako historia ezagutzera emateko asmoz.

DTKren historia eta bilakaera Donostiako hiriaren bilakaerari oso loturik dago, eta Konpainiaren historiaren bidez hiriaren garapena ikus daiteke.

Donostia Kultura eta Donostiako Udalari esker, oraingo honetan erakusketa ibiltaria Intxaurrondo Kultur Etxean egongo da ikusgai, otsailak 8 eta 23 egunetan zehar. Erakusketaren ateak zabalik daude herritar guztiek guztientzat.

Erakusketa ibiltaria, urtarrilean zehar, Amara auzoko Ernest Lluch Kultur Etxean egon da ikusgai eta datozen hilabeteetan, hiriko hainbat Kultur Etxeetan erakutsiko da.

Erakusketan konpainiak urteetan zehar izan duen bilakaera zein izan den ikusi ahal izango da DTK-k 125 urteotan donostiarrei zerbitzua emateko erabili izan dituen garraio publikorako ibilgailu ezberdinen irudien bitartez. 

Erakusketako irudiak berriki argitaraturiko eta jadanik liburu dendetan salgai dagoen Juanjo Olaizola Elordik idatziitako “DBUS 125 urte/años” liburutik ateratakoak dira.

INTXAURRONDO KULTUR ETXEA Erakusketaren ordutegia

-Otsailak 8tik 23ra

-Astelehenetik ostiralera, 16:00-20:30etara.

 OTXOKI PASEALEKUA 218, 20015 DONOSTIA

DTKren historia ahalik eta pertsona gehienetara hurbiltzeko asmoarekin, erakusketa ibiltaria da eta ondorengo Kultur Etxeetan ikusten jarraitu ahalko da: 

  • Okendo (Gros): martxoaren 19tik 29ra.
  • Casares (Altza): apirilaren 2tik 13ra.
  • Okendo (Gros): martxoaren 17tik 27ra

Era berean, Gipuzkoako Foru Aldundia, Gizarte Kutxa eta FNACek babesa 125. urteurren honi eskainitako babesa gogorarazi nahi dugu.

Irakurri

Donostia aukeratu dute garraio publikoaren hobekuntzarako SITE proiektu europarrean parte hartzeko

SITE (Smart Integrated Ticketing for Europe ) proiektu europar bat da autobusetako sistema teknologikoak eta ordainketa sistemak hobetu eta garraio publikoaren erabilera bultzatzeko. Proiektua Europar Batasunak aukeratu du INTERREG ekimenaren baitan garatutako Atlantic Area Programmen barruan, eta kalifikaziorik handienarekin baloratu dute. Proiektua Eskualdeen Garapenerako Europako Fondoak (FEDER) finantzatuta dago.

SITE proiektuan Donostiak beste hainbat hiri europarrekin batera hartuko du parte, hauekin hain zuzen ere: Ingalaterrako Liverpoolekin, Frantziako Nantesekin, Espainiako Gijonekin, Portugalgo Aveirorekin eta Irlandako Laoghairerekin.

SITE proiektua, nagusiki, gaur egun garraio publikoan ordaintzeko eta sartzeko daude sistemak garatu eta hobetzean datza, maila guztietan intermodalitaterik handiena bilatuta. Donostiaren kasuan, proiektua Dbuseko autobus sarean garatuko da, eta helburua izango da autobusen abiadura komertziala handitzea hiritarrei zerbitzua hobea eskaini ahal izateko. 

Donostiabus izango da SITE proiektua gidatuko duena toki mailan eta honakoak izango dira Proiektuaren barruan izango dituen zereginik nagusienak: 

  • Kontakturik gabeko txartel inteligenteetarako Europan dauden estandarrak aztertzea
  • NFC teknologia duten mugikorren bidez ordaintzeko sistemak aztertzea eta garatzea  
  • Autobusen abiadura komertzialaren hobekuntza aztertzea autobusetara igotzeko ate bat baino gehiago erabilita.
  • Iruzurraren aurkako sistemak aztertzea eta garatzea ticketing-aren ikuskapenerako.
  • WIFI sarearen ezarpena autobusetan eta geltokietan autobusak gestionatzeko, komunikatzeko eta erabiltzaileak informatzeko sistemetarako.
  • Webguneak hizkuntza bat baino gehiagotan diseinatzea, zerbitzuen informazioarekin eta Europako beste hiri batzuetako hiritarrei autobusak erabiltzeko aukera eskaintzeko.
  • Garraio modalitateen arteko ticketing-erako produktuen diseinua SITE proiektuan parte hartzen duten Europako hiri guztietarako.
  • Intermodalitatearen azterketa tarifen ikuspuntutik, udal, eskualde eta Europa mailan.
  • Hiri partaide guztietan proiektuarekin lortutako emaitzen ebaluazioa egitea.

Donostiako Udalaren Mugikortasunaren Departamentuak ere parte hartuko du proiektuan, eta proiektua toki mailan koordinatzeaz arduratuko da, proiektua hirian behar bezala gara dadin egin beharreko jarduerak egokituta, txostenak, proiektuaren dokumentuak, mintegiak, eta bilerak barne.

Hauexek dira proiektuan parte hartzeak gure hirira ekarriko dizkion onura nagusiak: 

  • Garraio publikoa hobetzera bideratutako ekintzen azterketa eta garapenerako finantzaketa, batez ere autobusetako ordainketa sistemekin lotutako alderdien azterketarako eta garapenerako.
  • Europako beste hiri batzuekin esperientziak trukatzea, bileretara eta mintegietan parte hartuta.
  • Neurri horiek hiri mailan zabaltzea.
  • Donostiako garraio publikoaren arrakasta kasua nazioartean aurkeztuko da hainbat mintegi eta konferentziaren bitartez.

Donostiako garraio publikoa proiektu europar garrantzitsu honetarako aukeratua izateak Dbusek Donsotian gestionatzen duen autobus sarearen eraginkortasuna berriro onartu dela esan nahi du. Europar Batasunak SITE proiekturako egingo duen ekarpen ekonomikoa handia da, eta ekarpen horretatik Donostiak 1.013.936 euro eskuratuko ditu, 825.449 euro Dbuserako eta 188.487 euro Udalaren Mugikortasunaren departamenturako. 

SITE proiektuak Europar Batasunak onartu du jada ofizialki, eta hiri partaideen arteko lehen bilera martxoan egingo da Nantesen. Proiektuak 30 hilabete iraungo duela kalkulatzen da.

Irakurri