Category : Berriak

Dbusek webgune eleaniztun berria jarri du abian, hainbat berritasun garrantzitsurekin, eta, horien artetik, mugikorretarako aplikazio ofiziala da nabarmentzen den bat. Dbusen www.dbus.eus web orri berria egokigarria da, eta edozein ordenagailu, telefono edo tabletatatik kontsultatu daiteke. Euskaraz, gazteleraz, ingelesez eta frantsesez dago eskuragarri, eta .eus domeinua erabiltzen du, Udalak euskararen eta euskal kulturaren hedapenerako duen domeinu berria baita.

Web orrian Dbuseko lineen gaineko informazio guztia jasotzen da, lineen ibilbideak zein ibilbide eta ordutegien planifikatzailearen bitartez konexioak egiteko aukerak, bai eta konpainiaren eta autobus flotaren gaineko informazioa, eta tarifa eta garraio txartelen gainekoa, proiektuak, eta ikerketa eta txostenak, albiste eta oharrak, argazkiak eta bideoak ere.  Funtzionaltasun horiei, zeinak aurreko webgunean jada eskaintzen baitziren eta informazio osotuagoa eta eskuragarriagoa eskaintzeko berritu eta hobetu baitira, aplikazio berritzaileak gehitu behar zaizkie.  Webgune berriaren garapenerako, Dbusi kudeaketa eta mantentze bitartekoak optimizatzen ahalbidetzen dion eta hobekuntza, aldaketa eta moldaketak egiteko malguagoa den programazio bat erabili da.

Web berri honekin, Dbusek indartu egin du azken urteetan bere zerbitzuen gaineko informazio baliagarria eta dinamikoa emateko eta garraio publikoa bultzatzeko asmoarekin plataforma interaktibo eta sozialak erabiltzearen aldeko egin duen apustua. Dbusen web orria, egunean 2.400 erabiltzaile baino gehiago dituena, erreferentzia da donostiar guztientzat, dudarik gabe.

Microsoft Explorer 10, Chrome eta Firefox nabigatzaileetarako optimizatutako webgunea da. Modu egokian kontsultatu ahal izateko eta bere funtzionaltasun guztiak erabili ahal izateko, nabigatzaileak eguneratuta edukitzea gomendatzen da. Web orria 4 ardatz nagusiren inguruan antolatuta dago: Dbusen mugitzea, Konpainia, Komunikazioa eta Beste zerbitzu batzuk. 

Aplikazio ofizial mugikorra

Web orria berritzeaz gain, Dbusek aplikazio ofizial mugikor bat sortu du smartphoneEtarako (IOS eta Android), edozein tokitatik Dbuseko zerbitzuei buruzko edozein informazioa eskuratzeko ahal izateko. lineak, lineen ibilbideak eta hiriko puntu guztien arteko konexioak. Dbusen berezko App ofizial honek aurreko web mugikorra ordezten du, eta Dbuseko erabiltzaileek telefono adimendunak erabiltzeko duten gero eta ohitura handiagoari erantzuten dio.   Aplikazioa doakoa da eta smartphone hauen online dendetan deskargatu daiteke (Apple Store eta Android Market). Androiderako smartphone honen online dendan deskargatu daiteke (Android Market). iOSerako laster egongo da Apple Store dendan. App eleaniztuna da, eta telefonoaren konfigurazioan ezarrita dugun hizkuntza berean abiaraziko da. Aplikazioak 6 aukera nagusi eskaintzen ditu: Mapa, Ordutegiak, Ibilbideak, QR Kodeak, Errealitate areagotua eta Informazioa.

Aplikaziotik bertatik geltokiak lokalizatu daitezke ibilbideen mapa interaktiboen bitartez, bai eta Dbuseko autobusak gutxi gorabehera geltokira zer ordutan helduko diren jakin ere.  

Gainera, geolokalizazioari esker jakin dezakegu mapan non gauden, zer kale eta geltoki ditugun inguruan eta noiz helduko diren autobusak geltoki horietara.   

Era berean, aukera ematen digu gehien erabiltzen ditugun geltokiak Gogokoen atalean gehitzeko, edozein ordutan eta urteko edozein egunetan lineek dituzten ordutegiak kontsultatzeko, Donostiako kale izendegian irteera eta helmuga bat adierazita ibilbideen planifikatzailea erabiltzeko, eta ibilbide jakin bat egiteko garraio publikoa erabilita aurrezten dugun energia ezagutzeko.   

Aplikazio ofizial mugikorrak, halaber, geltoki edo ibilgailu baterako denborak ere ematen dizkigu QR Kodeen bitartez, kode horiek irakurtzeko programarik jaitsi beharrik gabe. QR kodea Dbuseko geltoki batena bada, mapa geltokiaren kokalekuan jartzen da eta geltoki horri dagokion informazioa ematen du; QR kodea ibilgailu batena bada, berriz, mapan ibilgailu hori une horretan egiten ari den ibilbidea eta linea horren geltokiak ikusiko dira. Ibilbideetan geltoki baten gainean sakatuz gero, ibilgailu hori aukeratutako geltokira heltzeko zenbat minutu falta diren ikusiko dugu. 

Gainera, errealitate areagotuak 360º-ko angeluan hurbil ditugun geltokiak ikusi ditzakegu mugikorraren kameraren bitartez. Ikusten diren geltokietako edozein aukeratuta, sistemak geltoki horretan gelditzen diren autobus lineen informazioa emango digu, bai eta linea horien gaineko informazio osoa eta hurrengo autobusaren iritsiera ordua ere. Errealitate areagotua erabili ahal izateko, beharrezkoa da telefonoan Layar aplikazioa instalatuta edukitzea.

Era berean, Aplikazioak berak Dbusi posta elektroniko bidez iruzkin bat bidaltzeko aukera ematen du. Edo Dbusen web orrira sartu eta bertan nabigatzeko ere bai.

“Deskubritu hiria Dbusekin”

Web orri berriak Dbusek Donostiako leku interesgarri garrantzitsuenetan dituen zerbitzuak erakusten dituen beste aplikazio berritzaile bat eskaintzen du.  “Deskubritu hiria Dbusekin” atalaren bitartez, donostiarrek eta bisitariek hiriko erreferentziako lekuetan, esaterako, alde zaharrean, Kontxako hondartzan, Pio XII.eko autobus geltokian edo Ospitaleetan dauden autobus lineak, geltokiak eta autobusen iritsiera orduak ezagutu ditzakete.

Hiriaren maparen gainean, 23 leku interesgarri eta leku horietatik hurbil dauden autobus geltokiak daude nabarmenduta, interesgune horien gaineko informazioarekin eta geltoki bakoitzari lotutako autobus lineekin eta autobusak bertatik pasatzen direneko orduekin. Aplikazio honen bitartez erabiltzaileek gune horietan kokatu eta bertan dagoena ikusi dezakete, Googleren Street View zerbitzuaren bitartez.  Aplikazio hori oso erabilgarria da donostiarrentzat, baina baita bisitarientzat ere, hiritik ibiltzeko erabili ditzaketen lineak eta geltokiak ezagutzeko, eta bakoitzean zenbat denbora itxaron behar den jakiteko. Web orriaren gainerakoa bezala, funtzionaltasun hau 4 hizkuntzatan dago. 

 Enplegatuaren ataria

Dbusen webgune berriak konpainiako langileen berezko gunea ere berritu du. Gune horretan langileek beren lan ordutegiak kontsultatu, informazioa eta dokumentazioak deskargatu, eta ohiko izapideak eta eskaerak online bideratu ditzakete, ataritik bertatik iradokizunak egiteaz gain, enpresarekin komunikatzeko kanal bat baita.

Donostiarrengandik hurbilago

Dbusen webguneak, DBUSek erabiltzaileekin komunikatzeko erabili ohi dituen sare sozialekin batera, esaterako, Twitter, Facebook edo Youtuberekin batera, eta erabiltzaileekin interakzioan aritzeko dituen kanalekin batera, erabiltzaileak informatzeaz aparte donostiarrengana gehiago hurbiltzeko aukera eman nahi du.

Dbus bere teknologiak berritzeko egiten ari den lanetako bat da hau, bai zerbitzua hobetze aldera teknologia berriak erabiltzeari dagokionez bai erabiltzaileak hobeto informatu eta ingurumenarekin arduratsuagoa den garraio publiko bat bultzatzeari dagokionez.

Zortzigarren urtez jarraian, Dbus eta San Martingo Azokak, FNAC-en partehartzearekin, “Dbus eta Gabonak” Haurrentzako Marrazki Lehiaketa antolatu dute. Edizio honetako partehartzea paregabea izan da, 2 eta 12 urte arteko 1.193 haur baino gehiagoren marrazkiak jaso baitira.

“Urteko Enpresak” izeneko sarien XXII. edizioan Dbus-ek “2015. urteko Enpresa” saria jaso du bidaiarien hiri garraioaren kategorian. Saria entregatzeko jendaurreko ekitaldia atzo izan zen Madrilen. “Autobuses&Autocares” aldizkari espezializatuak antolatutako sariak dira, eta sektorean prestigio handia dute.

Sariak 1992az geroztik ematen dira eta bidaiarien garraio operadore estatalek garatzen duten lana azpimarratzen dute beraien lau negozio segmentuetan: garraio erregularra, lineaz kanpokoa, hiri garraioa eta ETE.

Epaimahaiak, independentea eta sektoreko pertsona garrantzitsuz osatuta dagoelarik, parte hartu duten enpresetako bakoitzaren ustiapen datuak aztertu ditu eta, ondorioz, sariarekin Donostian bidaiariek oro har erabiltzen duten garraio publiko erregularraren zerbitzuaren kalitatea aitortzen da; erabiltzaileek ere oso ondo baloratu dute, urteko azken gogobetetze inkestak erakusten duenaren arabera.

Saria ematerakoan funtsezkoak izan dira garraio publikoaren erabilera handia eta autobus zerbitzuaren etengabeko hobekuntza, bai eta garraio ez kutsatzaileen erabilera sustatzeko aurrera eramandako ekimenak ere, besteak beste, autobus elektrikoa. Donostia da autobus erabilera indizerik handiena izan eta autobus zerbitzua efizientziarik handienaz eskaintzen duen hiria, donostiar bakoitzarengandik hurbilago dagoen eta abiadura komertzial eta puntualtasun handiarekin dabilen autobus sare batekin.

Saria Dbusek azken urteetan jaso dituen errekonozimendu ugariei batzen zaie, sektorean erreferentziazko konpainia bihurtuta. Besteak beste, hauek nabarmentzen dira:

– 2014: “Most Innovative Transport Operator”, Master Card Trasport Ticketing Award, Dbus munduko 5 garraio operadore berritzaileenen artean kokatzen da.

– 2013: “Funding Transport Achievement”, International Transport Forum Award, munduan hoberen kudeatutako 4 garraio enpresa hoberenen artean kokatzen da.

– 2013: Zilarrezko Bikain Egiaztagiria, Dbusek euskararen normalizazioaren alde egiten duen hizkuntz kudeaketa aitortzeko.

– 2012: “City of the year”, CIVITAS Award, Garraio Publiko Iraunkorragatik.

– 2011: “Technical Innovation”, CIVITAS Award, Berrikuntza Teknologikoagatik.

Sariarekin herritar guztien mugikortasuna hobetzeko langile guztiek egiten duten lana eta konpromisoa aitortzen da. Era berean, saria egunero autobusa erabiltzen duten herritarrekin konpartitua da, hauei esker hiri ekologikoago eta gizatiarragoa sortzen laguntzen delako.

Berria irakurri (pdf)

Gaur Dbusek Baionako ACBA Euskal Kosta-Aturri Aglomerazio Elkargotik bisitan etorritako ordezkaritza bat hartu du bere instalazioetan. Profesionalek Kotxetegietako instalazioak ezagutzeko aukera izan dute, eta Donostiako autobusetan instalatutako azken aurrerapen teknologikoen xehetasunak egiaztatu ere egiaztatu dituzte.

Ordezkaritzak Dbuseko autobus elektrikoa ezagutu du. Autobus hori Irizarrek sortu zuen eta uztailean jarri zen martxan. Ezaugarri horiekin Europan dagoen lehen autobusa da, eta Donostia da autobus hori zirkulazioan izan duen lehen hiria. Donostia lidertzat jotzen da Europan Garraio Publikoaren erabilerari dagokionez, eta, Elektromugikortasunaren esparruan, Donostia guztiz lerratuta dago EBk 2050erako finkatutako helburuekin, hau da, hiriguneen barruan dabiltzan ibilbide guztiak elektrikoak izan beharko luketela ezartzen duen helburuarekin.

Euskal Kosta-Aturri Aglomerazio Elkargoko arduradunek autobus hibridoa ere ezagutu dute. Ingurumena gehiago errespetatzen duen teknologia dauka, Dbusek ekologiarekin eta iraunkortasunarekin duen konpromiso etengabearen erakusle.

Ordezkaritza Donostiako Hiriko BRT sistema berritzaileaz ere (Bus Rapid Transit) interesatu da. Bus sistema hori, funtsean, garraiorako bide esklusiboak eta erreserbatutako plataformak dituen sistema bat da, konexio eraginkorra eta erabiltzaileari denbora errealean informazioa emateko sistema bikaina eta zerbitzuan modu optimizatuan planifikatzeko aukera eskaintzen dituena. Gaur egun Dbusek BRT sistema dauka bere bi lineatan, zehazki Benta-Berriko 5 linean eta Amara-Ospitaleetako 28 linean.

Dbusen oso garrantzitsutzat jotzen dugu nazioarte mailan hiriko garraioaren hobekuntzan lanean ari diren enpresa eta erakundeekin harremanetan egotea, bere testuinguru partikularreko premietan zentratuta baina ikuspegi globalarekin, izan ere, kanpoko esperientzietatik ikasteko aukera ematen du eta etorkizuneko ikuspegi berri bat ere bai, lankidetza berriak eta baterako proiektuak sortzeko aukerak irekitzeaz aparte.

“Urteko Enpresak” izeneko sarien XXIII. edizioan Dbus “2015. urteko Enpresa” aukeratu dute bidaiarien hiri garraioaren kategorian. “Autobuses&Autocares” aldizkari espezializatuak antolatutako sariak dira, eta sektorean prestigio handia dute. Saria entregatzeko jendaurreko ekitaldia Madrilen egingo da, abenduaren 11an. Sariak 1992az geroztik ematen dira eta bidaiarien garraio operadore estatalek garatzen duten lana azpimarratzen dute beraien hiru negozio segmentuetan: garraio erregularra, lineaz kanpokoa eta hiri garraioa. Hiri garraioaren sailean, aurreko urteetan Bilbo, Logroño, Valentzia eta Coruñako hirietako enpresak saritu dira, besteak beste.

Epaimahaiak, independentea eta sektoreko pertsona garrantzitsuz osatuta dagoelarik, parte hartu duten enpresetako bakoitzaren ustiapen datuak aztertu ditu eta, ondorioz, sariarekin Donostian bidaiariek oro har erabiltzen duten garraio publiko erregularraren zerbitzuaren kalitatea aitortzen da; erabiltzaileek ere oso ondo baloratu dute, urteko azken gogobetetze inkestak erakusten duenaren arabera.

Saria ematerakoan funtsezkoak izan dira garraio publikoaren erabilera handia eta autobus zerbitzuaren etengabeko hobekuntza, bai eta garraio ez kutsatzaileen erabilera sustatzeko aurrera eramandako ekimenak ere. Donostia da autobus erabilera indizerik handiena izan eta autobus zerbitzua efizientziarik handienaz eskaintzen duen hiria, donostiar bakoitzarengandik hurbilago dagoen eta abiadura komertzial eta puntualtasun handiarekin dabilen autobus sare batekin.

Berria irakurri (pdf)

Urriaren 28 eta 29an, ATUC Hiri Garraio Kolektiboaren Enpresa Kudeatzaileen Elkarteak Teknologia Berriak, Marketina eta Kalitatea izeneko batzordea egin zuen Madrilen, Dbus batzordeko buru izanik. Bilera horretan, non beste hiri batzuek ere hartu zuten parte, esaterako Tarragonak, Badalonak, Sevillak, Madrilek edo Lleidak, Dbusek kasu arrakastatsu bat aurkeztu zuen: Donostiako tarifa sistemaren esperientzia, azken urteetan ordainketa zerbitzua hobetzea eta sistema moderno eta eraginkorra izatera heltzea ahalbidetu duena.  

Batzordean, Javier Vallejok (Dbuseko Plangintza eta Zerbitzuko burua) gure hiriko tarifa sistemaren bilakaera azaldu zuen, bidaiako prezio bakarra zuen kartoizko bonobus bat izatetik kontakturik gabeko txartel adimendun intermodala, behin baino gehiagotan kargatu daitekeena eta erabilera kopuruaren araberako deskontu progresiboak eta doako garraio aldaketak eskaintzen dituena izatera pasatzeko egin diren aldaketen berri emanez. Gipuzkoako garraio publikoan egin den tarifa bateraketari esker garraio txartela Lurraldeko autobusetan eta trenetan ere erabili daiteke.

Gipuzkoan tarifa sistema bateratu berriari esker kolektibo bereziek beste deskontu batzuk izango dituzte aparte, txartelak kargatzean hobariak izango baitituzte. Haien urteko diru sarreren arabera, 65 urtetik gorako pertsonek, kolektibo sozialek, ezgaitasunen bat dutenek, eta 25 urtetik beherako gazteek deskontu handiagoak dituzte, eta 5 urtetik beherakoek doan bidaiatzen dute.

Lorpen horiek agerian uzten dute hiri garraio publikora iristea errazagoa eta erabiltzea erosoago izan dadin Dbusek aurrerapen teknologikoen alde egin duen apustua, horren adibide bat ordainketa sisteman egin berri diren azken ezarpenak direlarik, esaterako erdiko atean jarritako makina balioztatzailea edo NFC proiektu pilotua, zeinaren bitartez erabiltzaileek autobusean ordainketak telefono mugikorraren bitartez egin ahal izateko sistema bat probatu duten.

Era berean, beste sistema batzuk ezarri dira zerbitzuaren hobekuntzarako: QR kodeak, autobusaren iritsiera denborak kontsultatzeko; WIFIa autobusetan eta geltokietan; bidai txartelak baliozkotzeko beste makina bat autobusetako erdiko atean, gurpildun aulkietan bidaiatzen duten pertsonek eta haur kotxeak daramatenek ordainketa errazago egin dezaten; Ustiapenaren Laguntzarako Sistema; Bidaiaria informatzeko sistema, edo autobusei semaforoetan lehentasuna emateko sistema.

Hobekuntza horiek SITE proiektuaren baitan sartzen dira (Smart Travelling in Atlantic Cities), proiektu hori izan baita Dbusi eta Donostiako Udalari aukera eman diona hainbat ekimen garatzeko eta hainbat teknologia inplementatzeko, helburua elbarriek eta mugitzeko gaitasun urria duten pertsonei autobusak erabiltzeko erraztasuna ematea, bidaien denborak laburragoak izatea, eta informazio sistemak eta bidai txartelak erosteko sistemak erraztea izanik, eta, bide batez erabiltzaileek Donostiako hiri garraioarekin esperientzia hobea izatea ere bai.

Urriaren 21ean, asteartea, Dbusek Monterreyko Garraio eta Bidezaintzako Estatuko Kontseilutik (Mexiko) bisitan etorritako ordezkaritza bat hartu zuen bere instalazioetan.  Euskadira egindako bisita tekniko horretan, CETyV erakundeko profesionalek Kotxetegietako instalazioak ezagutzeko aukera izan zuten, eta Donostiako autobusetan instalatutako azken aurrerapen teknologikoen xehetasunak egiaztatu ere egiaztatu zituzten, esaterako antibunching-erako (autobusek bat ez egiteko sistema) eta gidatze eraginkorrerako sistema, itsuentzako audio bidezko informazio sistemak edo billeteak baliozkotzeko makina berriak, azkarragoak eta eraginkorragoak direnak, bai eta autobusen erabilera, eraginkortasuna eta segurtasuna hobetzeko kontrol eta kudeaketa sistemak ere.   

Monterreyko ordezkaritzak Ustiapenean Laguntzeko Sistema (SAE) ezagutu zuen. Sistema horrek teknologia berriak erabiltzea ahalbidetzen du erabiltzaileei zerbitzu hobea emateko, eta Kotxetegien eta gidarien arteko barne komunikaziorako bide bat sortzen du.   Sistema 2004an ezarri zen Dbusen, eta berari esker geltoki guztietan jakin daiteke autobusak noiz helduko diren, eta hurrengo geldialdiari buruzko eta geldialdi bakoitzean egin daitezkeen autobus aldaketen gaineko informazioa eman daiteke autobus barruan.

CETyV erakundeko arduradunak Donostiako Hiriko BRT sistema berritzaileaz ere (Bus Rapid Transit) interesatu ziren. Bus sistema hori, funtsean, garraiorako bide esklusiboak eta erreserbatutako plataformak dituen sistema bat da, konexio eraginkorra eta erabiltzaileari denbora errealean informazioa emateko sistema bikaina eta zerbitzuan modu optimizatuan planifikatzeko aukera eskaintzen dituena. Gaur egun Dbusek BRT sistema dauka bere bi lineatan, zehazki Benta-Berriko 5 linean eta Amara-Ospitaleetako 28 linean. Garraio kolektiborako sistema berritzailea eta adimenduna da, eta Dbuseko autobus sareko gainerako autobusekin bikain integratuta dago, eta berari esker hiriak 10.5 milioi bat euro aurrezten ditu urtean, istripuak, zaratak, eguratsera igorritako kutsatzaileak eta trafiko pilaketak gutxitu egiten dituelako. Mexikoko ordezkaritzak ustekabe atsegina izan zuen BRT sistemaren eraginkortasuna eta efizientzia ikusita, izan ere bere erabiltzaile kopurua eta abiadura komertziala (17,5 km/h) beste hiri batzuetako tranbia sistema askorenak baino handiagoa da

Ordezkaritzak oso positiboki baloratu zituen Dbusen azken urteetan ezarritako sistema teknologikoen emaitza onak eta Konpainiaren autobusek puntualtasunari eta abiadura komertzialari lotuta dituzten zifra altuak.  Dbuseko autobus elektrikoaz ere interesatu zen. Autobus hori Irizarrek sortu zuen eta uztailean jarri zen martxan. Ezaugarri horiekin Europan dagoen lehen autobusa da, eta Donostia da autobus hori zirkulazioan izan duen lehen hiria. Donostia lidertzat jotzen da Europan Garraio Publikoaren erabilerari dagokionez, eta, Elektromugikortasunaren esparruan, Donostia guztiz lerratuta dago EBk 2050erako finkatutako helburuekin, hau da, hiriguneen barruan dabiltzan ibilbide guztiak elektrikoak izan beharko luketela ezartzen duen helburuarekin.

Dbusen oso garrantzitsutzat jotzen dugu nazioarte mailan hiriko garraioaren hobekuntzan lanean ari diren enpresa eta erakundeekin harremanetan egotea, bere testuinguru partikularreko premietan zentratuta baina ikuspegi globalarekin, izan ere, kanpoko esperientzietatik ikasteko aukera ematen du eta etorkizuneko ikuspegi berri bat ere bai, lankidetza berriak eta baterako proiektuak sortzeko aukerak irekitzeaz aparte.