Langileak

Author: Esti

DSC_0693

Dbusek urrats berri bat emango du mugikortasuneko operadore integral bihurtzeko

Garraio iraunkorragoa eta integralagoa eskaintzeko, Dbusek garraio publikoaren pakete multimodalean oinarritutako mugikortasun-eredu berri bat kudeatu eta eskainiko die herritarrei.

Aspaldidanik, Dbus etengabe aritu da lanean, egokitzen eta gauzatzen aldaketak eta berrikuntzak, bai eskainitako zerbitzuari dagokionez (lineak zabaltzea, BRT lineak, etab.), bai etengabeko hobekuntza-prozesuei dagokienez, batez ere teknologiaren arloan, erabiltzaileei eskainitako zerbitzuari balio erantsi handiagoa eskaini ahal izateko (ordainketa azkarren eta eraginkorren sistema, kanal anitzeko informazio- eta komunikazio-sistemak, app eta web garapenak, etab.).

Azkenaldian, Covid dela eta, erresilientzia horiek premiazkoagoak izan dira, bai teknologia-mailan, bai erakunde-mailan. Horregatik guztiagatik, Dbusek urratsak ematen jarraitu nahi izan du, eta gaur egungo hiririk eraginkorrenen eta berritzaileenen mailan donostiarrei kalitatezko zerbitzu iraunkorra eskaintzen jarraitu nahi izan du.

Testuinguru horretan, gero eta ohikoagoa da hiriko autobus-garraio publikoko enpresak (udalek ohiko mugikortasun-eskaerei erantzuteko gehien erabiltzen duten bitarteko propioa) hainbat mugikortasun-zerbitzu kudeatzen amaitzea, hirien konfigurazio berriak (emisio baxuko eremuak, babes akustikoko eremuak eta abar ezartzea) nahiz hiri-konfigurazio berri horretatik sortzen diren mugikortasun-premia berriak (joan-etorri partekatuak, elkarreragingarritasuna eta intermodalitatea joan-etorrietarako, eta abar) eskatuz.

Dbus, bere aldetik, eraldaketa honi dagokion guztian, erabat prestatuta dago eta herritarrei garraio publikoko pakete multimodal batean oinarritutako mugikortasun-eredu berri bat kudeatzeko eta eskaintzeko atarian dago. Mobility as a Service (MaaS) kontzeptua da, dagoeneko praktikan Europako hiri garrantzitsuenetako askotan, herritarrei ibilgailu pribatuaren erabilerarako alternatiba sinple eta eraginkorra eskaintzeko dauden garraiobideak biltzen dituen zerbitzuari buruzkoa.

Azken batean, administrazio publikoek ibilgailu pribatuaren aurka lehiatzeko moduko mugikortasun-zerbitzu integratua eskaini behar diete herritarrei, eta, horretarako, mugikortasun-irtenbide integratzaileak jarri behar dituzte haien eskura, hirian ibilgailu pribatua erabiltzeari pizgarria kentzeko, eta, aldi berean, administrazioak herritarren zerbitzura jartzeko, kostu lehiakor batean eta kalitate-maila handiko integrazio-maila batean.

Gainera, MaaS sistema berria Dbusen ezartze hori bizkortu egin daiteke MITMAri (Garraio, Mugikortasun eta Ingurumen Ministerioa) eskatutako laguntza emateko aukeragatik, Ministerioaren programaren barruan, emisio txikiko eremuak ezartzeko eta hiri-garraioaren eraldaketa digital eta jasangarria egiteko.

DTK aurkeztu den hiru eskaeretako bat udalerri-elkarte bati dagokio. Donostia, Palma, Malaga eta Las Palmas de Gran Canaria udalerriek garraio publikoa digitalizatzeko egindako eskaera bateratua da, eta Donostiak izango du lidergoa.

Laguntza ematen bada, jarduera hauek egitea aurreikusten da, besteak beste:

  • Ordainbideak digitalizatzea: QR kodeen bidezko ordainketak, aldi baterako titulu berriak, ordainketa-funtzionaltasun berriak ahalbidetzen dituzten ezeztagailuak berritzea, etab.
  • Komunikazio- eta informazio-sistemak digitalizatzea: Aplikazio berria erabiltzaileentzat funtzionaltasun berriekin, informazio-panelen ordez bistaratze hobeagoa dituzten beste batzuk jartzea, etab.
  • Funtzionaltasun hobeak dituzten markesina adimendunak instalatzea: aforoak kontrolatzeko sentsoreak, publizitate digitala, kortesiazko argiak, braillez irakurtzea, entzuteko moduan gidatzeko sistema bat, laguntza iskatikoa, markesinaren kristalezko banda seinaleztatzaileak, etab.
  • Aforoak kontrolatzeko eta jatorri-helmuga matrizeak algoritmo matematiko prediktiboaren bidez kalkulatzeko sistema.
  • Autobusak sentsorizatzeko eta monitorizatzeko sistemak: arrapala adimendunak, bidaiariak zenbatzea, presio pneumatikoak, aire girotua, etab.

Datozen asteetan, DTK mugikortasun-operadore integral bihurtzeko udal-izapideak hasiko direla aurreikusten da.

 

 

 

Irakurri
retinosis_gipuzkoa_moztuta

Dbus-ek bat egiten du Ikusmenaren Munduko Egunarekin

Gaur, urriak 14, osteguna, Ikusmenaren Munduko Eguna ospatuko da. Begisarek  (Erretinosi Pigmentarioak Jotakoen Gipuzkoako Elkartea) hainbat jarduera antolatu du egun horretarako, eta Dbusek bat egin nahi dut jarduera horiekin.

Horregatik, gaur Donostiako hiri autobus guztiek kanpainaren kartela eramango dute egun osoan.

Irakurri

[ITXITA] Lan-administrazioko Teknikaria

Lan administrazioarekin loturiko prozesuak eramango ditu aurrera, kasu bakoitzean dagozkion tresna informatikoen laguntzarekin (altak, bajak, kontratuak, gorabeheren kudeaketa, artxiboaren kudeaketa, dokumentazioaren prestaketa eta abar). Langileei zuzeneko arreta emango die lan arloan. Aldizka nominak eta kitapenak egiteaz arduratuko da.

Eskatzen diren ezaugarri nagusiak: Lan Harremanen esparruko Unibertsitate ikasketak, 3 urteko esperientzia azken 5 urteetan lan administrazioko prozesuetan, alorrarekin loturiko ofimatika tresnak eta zerbitzu telematikoak erabiltzen jakitea, harremanetarako eta taldean lan egiteko, ekimenerako, antolakuntzarako eta plangintzarako gaitasun handia eta balioa emateko gaitasuna. Euskara jakitea baloratuko da.

Behin-behineko kontratazioa eskainiko da. Hori guztia, plazaren izaeragatik, eta betiere horretarako lege estaldurarik baldin badago, mugagabea izan daitekeenean salbu.

Llevará a cabo los procesos relacionados con la administración laboral, apoyándose en las herramientas informáticas que corresponda en cada caso (altas, bajas, contratos, gestión de incidencias, gestión de archivo, elaboración de documentación, etc.). Prestará atención directa al personal en materia laboral. Ocasionalmente, se encargará de la confección de nóminas y liquidaciones.

Eskaerak aurkezteko epea 2021eko urriaren 15a arte. Eskabideak, CV barne, seleccion@oteic.com posta elektronikoan aurkez daitezke edo bestela OTEIC taldeari bidali (Zuatzu Enpresa Parkea, Igeldo eraikina, 1. solairua – 20018 Donostia) lanpostua adierazita, edo dagokion eskaintzan izena emanda www.oteic.com web orriaren bidez (lan- eskaintzak atalean). Aurretik aukeratutako hautagaiei erantzungo zaie soilik.

Datuak babestea:

Donostiako Tranbia Konpainia, SAUri hautagaiek beren eskaeretan emandako datu pertsonalak tratatuko ditu tratamenduaren arduradun gisa, hautaketa-prozesuan parte hartzea kudeatzeko helburu bakarrarekin.

Hautagaiak egindako lan eskaeran du oinarria hautaketa prozesuan haren parte hartzea kudeatzeko datu pertsonalen tratamenduak. Hautaketa prozesu horretan egiten diren proba medikoen ondoriozko osasun datuei dagokienez, jasota geratzen da prebentziozko edo laneko medikuntzarako eta hautagaiaren lan gaitasuna ebaluatzeko tratatuko direla datu horiek.

Datuak babesteari buruzko araudian ezarritakoa betetzeko, Donostiako Tranbia Konpainia, SAUk Datuak Babesteko ordezkari bat (DBO) du izendatuta. Ordezkari hori arduratzen da erakundean pribatutasunaren kudeaketaz eta kontrolaz, eta hautagaiak harekin harremanetan jar daitezke helbide elektroniko honen bidez: dpo@dbus.eus.

Donostiako Tranbia Konpainia SAUk hautagaien datu pertsonalak gordeko ditu hautaketa prozesua behar bezala gauzatzeko behar-beharrezkoa den denboran, bai eta, beharrezkoa denean, erakundeak bere legezko betebeharrak betetzeko bete behar dituen kontserbazio epe gehigarrietan ere.

Egindako argitalpenez gain, eta legez eska daitekeen kasuetan izan ezik, hautagaien datu pertsonalak ez zaizkie hirugarrenei jakinaraziko. Datu pertsonalen nazioarteko transferentziak ere ez dira egingo.

Hautagaiek eskubidea izango dute (i) beren datuak tratatzeko emandako baimena ezeztatzeko eta beren datu pertsonaletarako sarbidea eskatzeko, bai eta datu horiek zuzentzeko, ezabatzeko, haien tratamendua mugatzeko, datuok beste norabait eramateko edo, bidezkoa denean, datuon tratamenduari aurka egiteko ere, lopd@dbus.es helbidera zuzendutako idatzizko eskaeraren bidez; eta (ii) erreklamazio bat aurkezteko Datuak Babesteko Espainiako Agentzian edo beste edozein kontrol agintaritza eskudunetan, batez ere beren eskubideak erabiltzean gogobeterik gelditu ez direnean.

Irakurri

Kontxako Pasealekuaren irekiera igande eta jaiegunetan

Igande honetatik, irailaren 26tik aurrera, Kontxako Pasealekua berriro irekiko da igande eta jaiegunetan garraio publikorako, ohiko ibilbideekin jarraituz, bai Antiguako norabidean, bai erdialderantz.

Ohiko ibilbidea berreskuratzen duten lineak honako hauek dira:

  • 5-Benta Berri
  • 16-Igeldo
  • 18-Seminarioa
  • 25-Benta Berri-Añorga
  • 33-Larratxo-Intxaurrondo-Antiguo-Berio
  • 45-Renfe-Bus Geltokiak-Antiguo-Aiete geltokiak
Irakurri
mugitu jasangarri_eu

“Mugitu jasangarri… mugitu osasuntsu”

“Mugitu jasangarri…mugitu osasuntsu” lemapean, Dbusek garraio iraunkorren erabileraren gaineko sentsibilizazio eta sustapen kanpaina bat abiarazi du, Mugikortasunaren Europako Astea dela eta, zeina irailaren 16tik 22ra ospatuko baita. Kanpainaren helburua garraio publikoa eta jasangarria erabiliz ingurumenerako eta osasunerako onurei lotutako ideiak transmititzea da. 

Aurtengo kanpaina osasun fisikoaren eta mentalaren ingurukoa da, eta gure udalerrietan modu iraunkorrean mugitzeko moduei lotuta dago, bai autobusez, bai bizikletaz, bai oinez.

Hona hemen kanpainan garatzen diren ideia batzuk:

– Garraio kolektibo jasangarrian bidaiatzeak (autobusa, bizikleta) edo mugikortasun aktiboa praktikatzeak mugitzen zaren bakoitzean uzten duzun karbono-aztarna gutxitzen du.

– Mugikortasun aktiboak % 30era arte murriztu dezake gaixotasun hauek pairatzeko aukera: antsietatea, depresioa, presio arterial altua eta gainera endorfinak askatzen laguntzen dizu.

– Gastuak murriztea ahalbidetzen du.

– Espazio publikoaren erabilera hobetzen da.

– COVID-19ari aurre egiteko segurtasun neurriak betetzen dira.

 

Horiek dira garraio kolektiboa edo mugikortasun aktiboak erabiltzeak dauzkan abantailetako batzuk, eta kanpaina honen bitartez abantaila horiek ikusi ahal izango dira

hainbat euskarritan, hala nola autobusen errotuluetan, markesinetako karteletan, autobusen barruko pantailetan, web orrian eta sare sozialetan.

Kontua da gure desplazamendu-ohituretan kontziente izatea eta, aldaketa txikiekin, mugikortasun jasangarriaren ereduan aurrera egiten jarraitzea Donostian, garraio publikoan bidaia gehien egiten dituen hirietako bat baita. Zifra hori Europako handienetako bat da, eta antzeko tamaina duten Espainiako gainerako hirien oso gainetik dago.

Irakurri

Aldaketak 31, 35, 43 eta 46 lineetan

Indarrean jarri zen 970/2020 Errege Dekretuaren murrizketen ondorioz, irailaren 1etik aurrera Donostiako hiriguneetan ezarri diren abiadura muga berriak direla eta, autobus linea batzuetan aldaketak jarriko dira martxan. Aldaketa horiek Dbusen erabiltzaileen beharretara ahalik eta gehien egokitzen saiatu gara, eragin dezaketen inpaktua minimizatzeko.

 

Ikusi aldaketak (pdf)

Irakurri
DBUS VAS 2014_0888_COVID_01_POS- Euskera

Dbus-ek Aenor-en ziurtagiriaren berritzea eskuratu du COVID-19ari aurre egiteko moduagatik

Aenorrek Covid-19ren aurka emandako ziurtagiria lortu eta urtebetera, Dbusek arrakastaz gainditu du ziurtagiri hori berritzeko ikuskaritza. Urtebete baino gehiago darama Dbusek etengabeko doikuntzak egiten COVID-19aren ondoriozko egoera berrira egokitzeko, protokolo berriak garatuz eta Konpainiako langileen eta erabiltzaileen osasuna eta segurtasuna bermatzeko prebentzio neurri batzuk ezarriz.

Horren erakusle izan dira Dbusen autobusetan ez dela izan Covid bidezko kutsadurarik (0 kasu), azken urte honetan, 10.305.494 milioi erabiltzailek erabiliz Dbuseko zerbitzuak.eta lortutako eskaria gero eta handiagoa dela, 2021eko abuztuan % 80 ingurukoa, hain zuzen.

Dbusek COVID-19ari aurre egiteko aplikatzen dituen neurrien eraginkortasunaren kanpoko berme bat da COVID-19rako Protokoloen Ziurtagiria, eta Osasun Ministerioak COVID-19aren prebentziorako eta higienerako markatutako jarraibideetan oinarritzen da.  Ziurtagiri horren metodologia erakunde nazionalen eta internazionalen gomendioetan oinarritzen da, eta eskatzen du erakundeek COVID-19aren ondoriozko arriskuak kudeatzeko lanei guztiz heltzea. Auditoriak ebaluatzen ditu, besteak beste, COVID-19ari aurre egiteko jarduera protokoloak eta protokolo horiek betetzea.

Dbusek ezarritako neurrietako batzuk dira flotaren eta Kotxetegien instalazio guztien eguneroko garbiketa eta desinfekzioa; ibilgailu guztietan gidariaren postuan babes manpara jartzea; aireztapen iraunkorra, autobusen barruko airearen kalitateari buruzko espezialistek egindako azterketa, 13 segundoz behin airea berritzen dela egiaztatzen duena, minutuko 5 aldiz gutxi gorabehera, gomendatutakoa baino 9-10 aldiz handiagoa.

Nabarmena izan da ere prebentzio neurriei eta prozedura berriei buruz langile eta erabiltzaileei ematen zaien informazioa; gune komunen mugapena; osasun segurtasunareko neurrien ezarpena autobusetan zein instalazioetan; edo hornitzaileei babes eta segurtasun neurriak betearaztea, erabiltzaileei zerbitzu segurua eskaini ahal izateko.

Ziurtagiri berri hau AENORek Bidaiarien Garraio Publikoen gaineko UNE-EN 13816 arauaren arabera 5-Benta Berri, 13-Altza eta 28-Amara-Ospitaleak lineen zerbitzu kalitatea egiaztatzeko eman duen kalitate ziurtagiriari batzen zaio, Dbusen egunero bidaiatzen duten ia pertsonen erdia linea horietan erregistratzen dira-eta. Konpromiso horiek, gainera, ez dira soilik hiru linea horietan aplikatzen, autobus flota guztian eta Konpainiaren eguneroko funtzionamenduan ere aplikatzen dira.

Berriro ere, AENORek COVID-19ari aurre egiteko protokoloagatik emandako ziurtagiriak erakusten du Donostiako garraio publikoa segurua dela eta Dbuseko mugikortasun iraunkorreko eredua berreskuratzeko beharrezkoa den konfiantza ematen dio, garraio publikoaren alde eginda, Donostian mugitzeko garraiobiderik eraginkorrena eta ekologikoena den heinean.  

Irakurri